مساء....... الخير سناوي
مساء الخير... يل شعرج ليل
فوك الجتف متهاوي
مساء الخير....ياوجه الكمر
بنص ليل الشعر
ضاوي
مساء الخير...يانبع الخيزران
وعدل طولج
وماهو لاوي
مساء الخير ...واشلونج
وصوتي بح
وانتي ولا جن تدرين
انه كل ساع انذبح
افكر بيج واسولف
وما شفت الفرح
بس هو يدري الشبع بالجوعان
وجسمه خاوي
مساء الخير سناوي
مساء الخير ... واشلونج
وانه حزين
متيه والذلذ بدرابين العاشكين
شكثر شفت وياي تمشي
اثاري خطيه مثلي مفاركين
وانه بيهم هم مادريت
بس صوتج باذني اسمعله رنين
ومن اسمعه اعدل ياختي
وامشي متغاوي
مساء الخير سناوي
مساء الخير .. وهم ما ردت عليه
حكها مشغوله عني وما تدري بيه
وراح اكرر سلامي وادزن هديه
بلكي من ينطبكن اثنين تنتبه ليه
وتكول منهو هذا المتمسكن وداوي
مساء الخير ... سناوي
مساء الخير بس تدرون بيها
اشلون التكيت
بويه عل النت شفتها كاعده
وسلميت
وهي بكل ادب ردت عليه
من حجيت
وطلعت عتيجه مثلي
اتحب اغاني حسين نعمه
وفاضل واغنية
دوريت ومالكيت
حبيتها من بعد
وكلبي ضل بيها هاوي
مساء الخير سناوي
