حبيـــته بجنون وماحسبت حساب
شمدريني الزمن قاسي ويفركَنـــه؟؟
جان المــاي الي لوآنا عطــشان
وأروى من العطش لوصوته اسمعنـه
وجنت من أشم عطره احبس الأنفاس
ومن غيره الهوى ماريد اشمـــنه
احنلــه بكل دقيقه وروحي وياه
وترد روحي الي لو يوم اشوفنــه
وهذا مخبـــل اليتوقع انا انساه
شلون انساه وانسه ايام حبــنه
وكلبي عنده باقي وكلشــي وياه
والعنده الكلـب مايوم ابيعــنه
ومن اذكر عشرته وضحكته ويـاي
اتمنى اكض كلبي وبيدي اعصرنــه
كتلني الشوك كلش صعب الفراكـ
وبس ذكرى وهدايا البقت منــه
اروح انا لهديته وبس دموعي تسيل
واحسن هو كاعد وانا اكلمــنه
ومن اسمع بإسمه ميته أحس الروح
والبكَربه يشوفه والله احسدنــه
البعــد كتلني يدمر الحال
وعذبني الكَلب مايرضى اعوفنه
راق لي
