ياكلشي وكلاشي
ياكلشي وكلاشي ويااشكال الوان
طفل كلبي تعدة وشاف دكانك
ظل واكف ابابك كتله اخذ شتريد
شو رادك شلع وي قطعت اعلانك
خلاني العشك تفكيري ما موزون
اتصدك كمت احسد فرشه اسنانك
لئن تلمس اشافك كل صباح وليل
ولئن بعض الاحيان اداعب ألسانك
شفتك مرة وحدة وصار بيه الصار
عمي الله يساعد قلب جيرانك
وي غيرك ارد بس العن الشيطان
وانته شما العنه يزود شيطانك
كون ابليلي اضمك ليلي يحلم بيك
كره حتى النهار وانته ماخانك
احسك ملتزم عاصي اعلى نفسك حيل
بس صدرك تمرد كسر عصيانك
واحس باعماق روحك صرخة استنجاد
على الحمل الثكيل الشالته اغصانك
لو يصفة الوكت واتكابل اني وياك
اشم تفاح خدك واجني رمانك
وادك روحي عليك بميه الف بسمار
حتة اتصير قطعة احضاني واحضانك
ومثل طبع الكهوجي وداعتك ما جوز
لحد ما اشوفك تهز فنجانك
الحد مااشوفك تهز فنجانك
م ن
**************************************************