حســــافــــه. نبـــاع حبــــي
حسافه نباع حبي جوه السوك..
ومثل ريح بشبج هيجي التعب راح;
وحسافه العمر خلصته بس وياك..
بقهر وضيم وساعه ما مرتاح;
خليتك ملك وبوسط كلبي تعيش..
ومفتاحي بحوزتك تقفل وتفتح;
حطيتك علجرح بس الجرح ما طاب..
لان تلجمني انت ومن تلجمني تفرح;
وتذكر من اجيتك وانت مجروح..
مسحت دمعك بدي وما كلت افضح;
جزات الطيب طيب وبالعرف مذكور..
شنو انت فضائي وياي ما تنصح;
علمتك فرح تسمعني يفلان..
مو نبره حزن كل ساعه تجرح;
**************************************************