هيج اني من اشتاك ابجيلك ادموم
مو دمع هل اعليك امخزنه اهموم
.......................
بطلت امر اعليك بطلت اجيلك
قررت من هاليوم من بالي اشيلك
....................
افتح باب العين وامطرلك ادموع
يل غبت عن العين صايرلك اسبوع
....................
صدك اغار اعليك والغيره تكتل
يمي واحس ابعيد وبروحي اشعل
..................
من تكتب انت وياك تاخذهه روحي
تحجي اعله جرحك عود ؟عاين اجروحي
..............
بلوه ابتليت شلون ربك بلاني
ولفي وعليه يصير هوه وزماني
...........
سعفه وصرت بجفاك ويهزني شوكك
ماترحم اليهواك مو الله فوكك
.........
تدري الجمال البيك خلاني محتار
الشعر لون الليل والركبه جمار
........
شيب الطلع بالراس من البصره اجاني
ضيم وقهر وفراك ضليت اعاني
.........
يمي واكول بعيد ما تكرب شبيك؟
يل حته امك هيج ما حنت اعليك
.............
دمعه وتطيح شلون منك تسلني
لو بيدي اشيلك دوم بعيوني ذني
.........
تهمه وكلت حبيت غيرك يخلي
بس انت بالدلال غيرك يولي
..............
تسألني هاي الناس ليش انت مهموم
مادرو جرح الروح ليهسه ملجوم
..................
مستعجل اعله الموت كون الله هسه
ياخذ منيتي ابساع من صدك انس
**************************************************
