دارميات جديدة جديدة وحلوة
مو بس اذكرك دوم كل لحظه وياي *** ومن اسمع انته بخير تضحكلي دنياي
..........................................
اليون تالي الليل لابد على اسباب *** لو دهر موجر بيه لو ذاكر احباب
...........................................
زبدة كلام انطيك ياسيد اسمع*** اللي يبوس جفوف معناها يركع.
...........................................
لا تطلع برمضان واگضيه نايم
من شوفك يفطرون تشبع شتايم
............................................
مو بيدي حتى انسـاك ولا هي بيدك *** بيد الگلب والله هوه اليريدك
............................................
الجرح موشگ جلد مو دم يهل منه...الجرح جرح الگلب لوغاب اخوعنه
.............................................
كمت انه أقنع الروح وتصدج أبساع ... اتسودنت بجفاك من يوم الوداع
::::::::::::::::::::::::
كالتلي ما سويت زين ويه روحك ... فشله بطريج الناس عايف اجروحك
.............................................
حرموني نوم الليل رادوني انساك *** خافوا انام الليل وبحلمي الگاك
............................................
تدري شكثر اهواك يااغلى ناسي *** تاج انته ومخليك فوك عله راسي
...........................................
ناذر نذر لو جيت وبمشمشه الگاك ***
اخذلي بوسة شوگ غصبا عله شفاك
..........................................
ربعك صفو فرعون صير انتة موسى***
وبالك تطخ الراس لو جف تبوسه
...........................................
محاوره بين شخصيين ارد انشد العقال وابغيهم اشهود مات الوفه اودفنو لوبعده موجود
رد
مات الوفه اودفنو مات اخس موته وي يوسف الذبو بالبير اخوته
...........................................
يبقه الأمل وياي لو طال الفراك ومهما تكول انساك ابقه انه اشتاك
..........................................
غيب شكثر متغيب عن بالي متروح تدري شوكت انساك؟ من تطلع الروح.
..........................................
حكي من انوح اعليه واهدمله حيلي*** مـ خلف احجايات خشنه ابدليلي
..........................................
اصفن واجر حسرات والدمع ينساب *** والفركة مثل الموت ما بين الاحباب
..........................................
حكي من انوح اعليه واهدمله حيلي*** ماخلف احجايات خشنه ابدليلي
.........................................
مو كل جرح بالروح تركض تداويه
بيهن يعيش وياك لازم تخاويه
.........................................
ارد انشد الصباغ هم يصبغ اكلوب
حتى اصبغ دليلي اعليك اسود فرد نوب
.........................................
ارد انشد اليمشون احبابي وعداي
ليش اليريد يموت بس يطلب الماي
**************************************************
