قصيدة حزينة ومؤثرة
مـاتـستـاهل ابـجـيـلـك حــرامــات
ولاتـاخـذ بـعـد مـن عـيـني دمـعـه
جنت ازرع ورد بس هسه مجبور
حـتـة الـبـاقـي منهن راح أشـلـعـه
أيـَـس مـابـقـتـلـك يـمـي اســرار
وحـتـة الـيـدك بـاب الروح ادفـعـه
بقـى يمي الشـمع بس ذوبة اللـيـل
وانـه متاني الصبح يطـلع واشيعه
عرفـتـك ثـوب بس ماتستر العـيب
المايـرهـم عـليّ مـجـبـور انـزعـه
جنت اخجل واعبرلك حجی هـواي
واعرف بي جذب بس كلت اسمعه
وهـسـه أتـكـطـعـت وياك الـدروب
وبقه درب الخجل بلساني اكـطـعـه
كـرهـتـك كـثـر ماودعـت الشموع
شمعه بعيني تحله وتطفه شـمـعـه
جـنـت كـبـر الجـرح شايل معـانـاة
وصدك جان الكلب من ينعه يـنعـة
جـن داخـل حـسـن لـو طلعت الآخ
وتطلع روحي الك وتردهـه فـدعـه
حـسـبّـتـك رقـم من لـمـعـة الـبـيـك
وين ادري الصفر هم ينطي لمعـه
وين ادري الغصن بيه يركض الموت
وعلى عـِش المحنه يودي الافـعـه
بـاجـر راح اجَّـفـن كـل الـجـروح
ونعـش الذكريـات براسـي اشـيعـه
وبـاجـر راح اهـدّم بـيـت الـدمـوع
وابـنـي من الـفـرح بعـيوني قـلعـه
وتـذبـل شـفـتـك وترد الي زحـوف
وانه بجفي النهر وبكيفي اكـطـعـه
وأكلك كلشي مات اللهـفه والشوك
مُـحـال الـيـنـدفـن تـكـدر تـرجـعـه
وسـود تصير كلهه ايامك البـيـض
ويـنـذل خـاطـرك ويعـض اصـبعـه
مثل ماجـرعـتني بـكاسـك الـمـوت
كـاس الـذل شـرط باجـر تـجـرعـه
م ن
**************************************************
