قصيدة احبك
احبك مو سهل كلمة بصدق تنكال
احبـك تحمــل هوايـه معـاني
احبك وارد ابوسك دون كل الناس
احبـك ما احـب اي شخص ثاني
احبك وارد اضمك بوسط هاي العين
احبـك والله مـوتي بيـوم تنسـاني
احبك يا بعد عمري الكضيته بعيـد
احبك والله گلبي يعلم لســـاني
احبك من يمر طاريك روحي تروح
احبك وارد اشمك وانسى احـزاني
احبك دنيتي گبلك سواد وضيم
احبـك بسمتك تنطيني الـواني
احبك يالعيونك تسحر الاحجار
احبك يالصوتك يطـري باذاني
احبك يالضوه وجهك ينور الكون
احبـك يالصـرت للأمل عنواني
احبك وارد احرسك گلب بين ضلوع
احبـك يالمحبتـك بوسـط شـرياني
احبك وانه احب حبي الاحبـك بيه
احبك هـم تحبني وتحـب تلكـاني؟!
احبك بالضمير وبالعرف والديـن
احبـك أمـر الله الحـب رباني
أحبـك أمـر الله الحـب رباني
م ن
**************************************************
