ابوذيات رائعة عن الوطن
عزيز الوطـــن واعشگ ـــــــ ترابي
وتضل اعله البلد عيني ــــــ ترابي
العراق اسرار وهوايه ــــــــ ترابي
رجال ابطـــــــــال من نفس الهويه
بلاداي
ـــــــــ
جريح الوطن يـــــنزف ـــــــ بلاداي
وچثير اجيوش هالطبت ــــــ بلا داي
اقاتل لوصرت عــــاجز ــــــ بلاداي
مثل عباس بارض الغاضـــــــــــــريه
روحي من مرار الضيم هامات
ها عدل صاحو علي ها مات
ابد منذل ونطخ بيوم هامات
رضعنا الزود من در عراقيه
ليالي الكبل علنه - وطنه
وبذني ميت طنه اسمع - وطنه
أخوي أنته وتعال انقذ - وطنه
وتقاريك دفن تنخط علية
سجين ولا جنح عندي وامركم
واظل خاضع لأمر الله وامركم
ولا بد للسجن يخلص ومركم
واعاتب كل محب ما مر علية
سجين ولاجنح عندي _ ولا دين
وصرة جاني بلا تهمة _ ولادين
الوكت فرعون لارحمة _ ولادين
وصبر ايوب كلبي اعله البلية
**************************************************