علم الدولة : رقم العضوية : 21 الجنس : تاريخ التسجيل : 20/09/2008عدد المساهمات : 12754نقاط : 24490تاريخ الميلاد : 07/04/1960العمر : 64الموقع : العراقالعمل/الترفيه : سأل الممكن المستحيل : أين تقيم ؟ فأجابه في أحلام العاجز الجنسية : عراقيةالمزاج : من يحب الشجرة يحب أغصانها الاوسمة :
موضوع: قصيدة لعباس جيجان عن الوطن الأحد 18 يوليو - 11:37
هاي قصيده للشاعر عباس جيجان
منته بعيد انت العين واقرب من جفنهة انت منته وغريب انت الوالد اليحض بديه وليده وبنته منته وحيد انت العراق بشيعته وسنته ياهو الكالك ناسيك هم ينسة الكمر وكته لو نبض القلب يتنكر بدكته بس عشكك عشك مفضوح وعشك الناس كلهة مساتر وسكته صرت انت سبت وبركبة يهودي هم شايف يهودي يجوز من سبته انت الفارس اليسبك هبوب الريح وماضن خيل سابكته وانت اليرهم ترابك كحل للعين ودوه للماشفت علته وانت من ترابك نحني جفوف لمعرسين وكل اصبع فرح من طينتك طكته وانت الريحة ترابك ترد الروح هيل وزعفران وعنبر بشمته مثل تراب كاعك مالكينه تراب يرهم للصلاة من طينته تربته انت انت ينام بيك المرتضى الكرار ابو الحسنين التلوذ الناس كلهة بشارته وبخته وانت ينام بيك بكربلاء حسين المابايع الطاغوت ودنك ركبته وانت البيك ظلت شارة العباس من طاح دنكله الفرات وباسة من شفته من اطلعت منك يوم طرني البين قلبي وياي ماجبته اثاريني نسيته هناك عندك قلبي امنته شتلته بجرف دجلة الخير وي سباح الشواطي شربكت بته ومتدت عروكه بوسط ذيج الكاع ومن ماي الفرات ودجلة عمدته ولمن صار ينكل جدمه بين الناس اخذته للكاظم على الشباج زورته صح هسة اصبحت من وطن ليدرلاند هولندي الهوية وشعري جللته وصح اتاقلمت وية الغرب فد نوب وصرت ماصخ مثلهم والملح عفته وصح كمت ارطن رطنهم من يرطنون ولسان العرب بالاعجمي اكسرته لكن لكن مدري شنهي يصير بية من يمر طاريك احسنك دفو تموز وسط اشته واثاريني مثل طبع النخل لو طال يرجع للاصول وتنحني اشعثته العالم نسه يوم11 من ايلول وصارت بيك سالفته ناس تكول لازم نحتويه ونشفط البترول ونعوض الراح ونسرك بركته وناس تكول لازم هل حصار يدوم وناس تكول لازم ننزع اسلحته وناس تكول خطية اطفاله ماتو من الجوع وناس تكول حيل وياه ماحمد ربه وشاكر انعمته وانت بين هذا وذاك صاير شبح لليرمون وياهو الكام ضدك سدد تفكته جي لانك حلو والناس منك تغار ماعدهم العندك من مجد نلته انت اول وطن ادم وضع جدمه عليه وكال ياالله لانك قطعه من جلده وانت اول وطن حبه النبي براهيم ودعه ربه يصونه برحمته وعزته وانت اول وطن مرسى لسفينة نوح ونبي ايوب ناخت بيك راحلته انت اول وطن علم العالم تكتب ابجدية ويكتب التاريخ وانت اول وطن قانون سننته وانت اول وطن كالتله الشمس يمه صباح الخير ولو رادت تمسي تمسي يم كبته انت اول وطن ماتشبه الاوطان مدري شلون ربك خالقك سبحانه ربي شلون صورته صورته العراق وبس علينه يلوك واحنه نلوكله لمن يحل وكت عراق المال والابطال كل الناس واصفته ذوله اهل الغدر من عندك شيردون ياهو الطاح منهم ما اجه وعنته جان جيبك مو الك لمن العرب ينخوك عزيز المال هيج وهيج طشرته شو لمن طحت محد اجاك وكال عد عيناك وانت جروحك ينزفن مثل دم الشمع سكته وبقيت وحيد مدمي بساحة الميدان واطفالك عليك بصفك ينوحون وانت تون ولا مثله كبل مجروح ون ونته توجيت على جرحك كمت مهتميت خاف الشامت يشوفك طريح ويشتفي بشمته طبع بيك المكابر اكبر من الاه واكبر من الدوني والوياه بقت لفته جم غازي بغازي لمر عليك وزال وتكنسه السنين مكطع بذلته صفو بالمزبله ويلعنهم التاريخ وكل هذولة الغزاة اشخاص راحو والبقيت انت تراب بلادي يرفض اقدام الاجنبي والغازي والمحتل تراب بلادي بس انبياء الله ساحكته
علم الدولة : رقم العضوية : 2 الجنس : تاريخ التسجيل : 03/03/2010عدد المساهمات : 2720نقاط : 4156العمل/الترفيه : ادارية المزاج : عاديالاوسمة :
موضوع: رد: قصيدة لعباس جيجان عن الوطن الأحد 18 يوليو - 15:05
سبكتني يامارد ونزلت قصيدة اثناء انشغالي وبا ان قصيدتك وطنية لكن ماراح ارد عليها بقصيدتي راح ارد على عباس بقصيدة ملك كاوان شاعرتنا الكردية وقصيدتها المميزة جوني باشي ياعراق ..!!
ابدي بسم الله وأهديكم تحية جوني باشي من جبل سنجار للحلوة أم قصر
جوني باشي ... كلمات كردية .. وتعني كيف الحال ... بخير ؟؟ تقبل مروري يامارد ..
فيصل الكناني عضومتقدم
علم الدولة : رقم العضوية : 21 الجنس : تاريخ التسجيل : 20/09/2008عدد المساهمات : 12754نقاط : 24490تاريخ الميلاد : 07/04/1960العمر : 64الموقع : العراقالعمل/الترفيه : سأل الممكن المستحيل : أين تقيم ؟ فأجابه في أحلام العاجز الجنسية : عراقيةالمزاج : من يحب الشجرة يحب أغصانها الاوسمة :
موضوع: رد: قصيدة لعباس جيجان عن الوطن الأحد 18 يوليو - 19:16
شكرا اعزائي مياسم العراق نورا الجنوبية لمروركم الرائع واخص بهذه القصيدة المختارة القصيدة المختارة من قبل الجنوبية تحياتي االك ابعث احر اشواقي واهديها عزيز الروح والك الروح افديها عراق الحب عراق الفرح والاصرار سنين العمر بس انت التضويها اذا صابك جرح كلبي يصيح الاه واذا هبت عواصف شر وللهامات تحنيها تلكاني ترة مثل السعف اختض غيرة ونخوة وايام العمر لترابك اهديها عراق انت وحبيبي ونور للطيبين واحنة لكاعك احنة نضل نباريها واذا نكضي العمر حراس هاي الدار شرف النة ومجد للي يحاميها سهام الغدر من كل حدب وصوب باصرار الشعب فشلت مراميها انت الوطن وانت الرمز للاشراف انت اغلى اماني الروح واحلى كل اغانيها نقسم عهد كدامك يبو الطيبين نزرع كاعك ونزكي كل روابيها ونحمي الدار من كل معتدي وغدار ولارضك الطيبة احنة نبنيها
موضوع: رد: قصيدة لعباس جيجان عن الوطن الإثنين 19 يوليو - 16:00
شكرا على القصيدة الجميلة بارك الله فيك حبيبي
فيصل الكناني عضومتقدم
علم الدولة : رقم العضوية : 21 الجنس : تاريخ التسجيل : 20/09/2008عدد المساهمات : 12754نقاط : 24490تاريخ الميلاد : 07/04/1960العمر : 64الموقع : العراقالعمل/الترفيه : سأل الممكن المستحيل : أين تقيم ؟ فأجابه في أحلام العاجز الجنسية : عراقيةالمزاج : من يحب الشجرة يحب أغصانها الاوسمة :
موضوع: رد: قصيدة لعباس جيجان عن الوطن الثلاثاء 20 يوليو - 19:57
علم الدولة : رقم العضوية : 31 الجنس : تاريخ التسجيل : 20/11/2010عدد المساهمات : 4907نقاط : 7786تاريخ الميلاد : 04/03/1988العمر : 36الموقع : ارض الله الواسعةالعمل/الترفيه : الحمد للهالجنسية : عراقيةالمزاج : عاديالاوسمة :
موضوع: رد: قصيدة لعباس جيجان عن الوطن الثلاثاء 2 مارس - 12:59
ألف شكر لكَ على هذا الموضوع المميز و المعلومات القيمة إنـجاز أكثر رائــــــع