مشكور سهمك وصل مشكور ماقصرت
مو انت اول جرح كبلك جرحني الوكت
وجنت اطمع بطيبتك وانت بدموعي طمعت
وانه اتخذتك اخو جا ليش بيه خذلت
وتكول عني اخطئت فهمني بيش اخطأت
واحسبني اخوك وخطأ تحسر لون سامحت
وانه اعتذرت شكثر عالماكو وتوسلت
وطخيت الك هامتي وبزايد اتكبرت
لتصير غيمة بسمة يلي بدليلي اثبتت
ومن دون ربح وطمع منك شفتني طلبت
شمعة انه في رقتي وبطيبك تلذذت
تحركني نارك حرك وكبال عينك ذبت
هلبت كسر خاطرك حالي وعليه شفقت
ادري بظميري عدل معقوله انته المتت
معقولة كلبك جلد وبطيبك انه وهمت
ظليت اشك بالعقل بس بيك ما شككت
خليني احس بالالم بس كونك انت فرحت
ادري الزمان اظلمك وبراسي راسك خذت
ولهسبب عاذرك حاسبني اخوك ومنت
ماحسبتني انذبح ادريك ماحسبت
لو حسبت جا كلت هسة انته ليش عركت
يل تستحي من الهوة لو كابلك دنكت
وهذا الكتلني قهر بس بسهم نيشنت
وبجرئة صبت الهدف لمن عليه سددت
مشكور سهمك وصل مشكور ما قصرت
**************************************************
