ليش تكلي احبك بس بدون احساس
يعني شلون ما افهم صرت قصدك؟
اذا ودك تغييركلي دون اسرار
لتحبني بكلامك حبني بودك
ما من يوم السالتك وانه مرتاح
ولا عيني غفت من اسمعت ردك
اكضي الليل صافن واحجي اني وياي
ابرر موقفك واتعذر لصدك
المحبه تزيد يوم بيوم تراويلي
يمي ويحسدني اليشوفك ويحسدك
عجيبه شلون تبعد من امرن بيك
وليش تضم عليه عطرك او وردك
اني يابحر الحزن مشتاك جرفك
صار هواي ما مر للجرف مدك
صارهواي ادور بينك انت وبيك
بلكي الكلك بيك وودك يردك
هم مالومك الك بس اني معذور
ما تعرف همومي بهالوكت بعدك
صدكني الوكت وك لعب دوره وياي
والدنيا بغفل من حالي باكتني
زرعتني بجروحك وضوكتني الويل
وتعب فوك التعب وياهة تعبتني بدمع وبليل
وبكابوس غسلتني ولمن كملت بالنار شرتني
وكبر بيه الجرح اضعاف جرحتني
وبسموم الدهر صدكني داوتني
ومن ملت ولك فلت ضمادي بساع
وبحلك الجرح مجروح خلتني
حبيت الحياة برغم كل الجور
بس دنياي ابد ما يوم حبتني
واذا ودك برد حقك وانه الغلطان
واعذرك لو رحت شو كلهة عافتني
اذا عني رحت مر بيه كلما انام
لان بجفوني صوره وياك رسمتني
اضل كل عمري نايم
واكعد الجفنين اذا طيوفك حلم وبليله مرتني
منقووووووووووووول
**************************************************