يضالم لا تهيج الروح خلها
عساها تموت بعد فراك خلها
لزم ايدي الطبيب وصحت خلها
المرض بالكلب جا شلك بدية
ايتهجه حروف علمته و قره بيه
ونكرني و ما رضى بوصلي و قربي
ادور يا ذنب عندي و اقر بيه
لكيت الطيب اكبر ذنب بية
و حك الترك بين الناس ثقلين
و عيوني من السهر بجفاك ثقلن
احبك من صدك يفلان ثق لان
احس انك شراكه وياي بية
عذاب الشوك شبك ساعديني
ساعة انخي الائمة و ساعة ديني
على نص النوايب ساعديني
كلف ضيم العشك كله علية
بغرامك لا صرت حايل و جاني
وسيفك بالغدر طرني وجاني
صرت انت عليّ حاكم و جاني
ظلمتني وشمتت الناس بية
كلبي اشما يمر عالدار يسلام
و من سهام العشك ما يوم يسلم
صدك عيب و حرام العشك يسلام
مر وسلم وذنبك عليه
الدهر ما يوم حن كلبه و لانه
تفاركنه و الف واشي ولانه
لا انت عرفت الحب و لا انه
ظلمنه الشوك و العشرة سوية
يواشي الكلب من الولف لاذك
اكله الدرب هذا يكلي لا ذاك
تحاسبني يولفي بذنب لا ذاك
الاصابع ولك مو كلهن سوية
حكمني العشك بالحسرة و عافاك
و حكه الكلب لو ملّك و عافاك
دريت الحسن غر كلبك و عافاك
لجن طول العمر تندم علية
يطارش هاك مكتوبي و سر بيه
حنين الكلب بسطوره و سر بيه
اخبره شوكت نتلاكه و اسر بيه
و على كل بيت اطشن واهلية
الجنت ليهم بيوم الضيج وناس
صفوا بين اليسد الاذن و الناسِ
زرعت الوفى لكل الناس و الناس
زرعتلي المصايب و الاذية
كلبي انت ملكته و انت حر بيه
عليل و طبه عندك و انت احر بيه
كاس السم اشربه و انتحر بيه
و لا غيرك يمس جفوف ايدية
روة الزيتون من دمعي و لا راك
لغيرك ما نحل جسمي و لا رك
اخاف تطول مدتنه و لا راك
كبل وصلك تبادرني المنية
اقدم الروح لحبابي و اسلم
و اصافح راحتي بجفهم و اسلم
يا رب العرش صلي و سلم
على المصطفى و اله بكل مسية
اكضي الليل كله قهر وي نوح
و اسمعك كلبي دوم يون وينوح
نخيت الهادي سيد الخلق وي نوح
يعابي كل خوي يخون خوية
يباري المرض هد حيلي و هدني
و لا يوم ابتعد عني و هدني
ارشدني لرحمتك يا ربي و هدني
طريح فراش و العلة خفية
اصد و ازعل و ادير العين طبعا
لجن لجمات الك بالكلب طبعن
حلو بكلشي لجن بيك طبعان
تشك و تغار بيهه علية
حبي الك ما فد يوم ينكص
و ليش الصاحب من يغيب ينكص
زمن خله الحديد بخشب ينكص
و يخلي الماله اول بالثنية
انت الشمس و انت البدر من هل
و شفافك طعم العسل منهل
كلبي بس الك يا ترف ما نهل
الورد من تمر ياخذلك تحية
انه بجفي وتد بالكاع دكيت
و لا دكت نذل بالناس دكيت
بعدني ما طحت و انت بطبل دكيت
شد وصلة بعد و اركص علية
اموتن يا عراق الحب و عيش بك
كوخ بتربتك كافي و عش بك
و هواك و ارضك و مايك و عشبك
مثلهن ما يصح فوك الوطية
اريد اكعد يم هواي و اسكن
و اصفي النفس و الروح و اسكن
من هجرك صفيت عظام وskin
يطيرني الهوى اذا مر علية
عيوني عليك من البواجي يرحن
سجاجين ابصميم احشاي يرحن
اشكد طيبات للنذلين يرحن
غدير ابصبخ ما ينشرب مية
حلو طبعك حبيبي من تعادي
احكمت قلبي قساوة وانتة _عادي
تمنيتك حبيبي من تعادي
تعادي الناس اليوزونك علية.
أحلف بربي علي العشق مندم
ولو حتي البواجي تصير من د
م كلبي مو صخر يا ناس من دم
ويحبهبكثر ما يقسي عليه
يعلمني الزمان دروس وانسة
وعلى حالي بچت رضعان وانسة
انة الچنت للطيبين ونسة
صرت مكروه دنيا وآخرية
ايامي شلون اخلصهن واعدهن
البنات اليوم ما يوفن وعدهن
عدنة الوفة يا صاحب وعدهن
هجر للمحب غدران واذية
نار الكلب تلهب منه كبرة
واذا من نفسي ما ابرة منك ابرة؟
هاك الخيط مني ومنك ابرة
نخيط جروحنة ونلتم سوية
مني يروح كل حيلي منيروح
وبيه جروح تبقه تنز منيروح
ياهو الموحلو كلك منيروح
سبع فدوات الك هوه وبيه
**************************************************
