جثير اشواك اليمج والليام
والية جم اخو عندج والليام
النخل والماي وادعني والليام
ويصيح ارجوك رد للناصرية
وحك صولة شماتي والصلوهة
بنعش ليكم دمعتي وصلوهه
صلي نعدمت شفتهه والصلوهه
صدك غايتهم يشمتون بية
اوصي الراح والرد من رسالة
عجب شبساع ينسى من رسالة
مشى وودة رسالة من رسالة
جهنم بالضرف وداها لية
الي احباب علمودك ودعوني
طحت ما شفت واحد ودعوني
انا بعرسك دعوني والدعوني
نفسهم جانو يشمتون بية
شحجيلك بحر تموز يالباب
وانا مفصل بخام العوز يلباب
وراك تلكي اخوي شلون يالباب
فما دمعت عينك علية
انحنى ضهري واكابر عدليتة
وبعدني بذاك حزني عدليتة
خلص شوفي بمتاهه عدليتة
طلع منهه وبنى حايط علية
خسر كلمن رضى ووقع بجتلاي
انصبت وعيون عدواني بجتلاي
طحت وسيوف خواني بجتلاي
وردت زنجارهن يفزع علية
بعرش غدر الليالي من من ربعنة
الف صاحب شرينة من ربعنة
سبب جرحك يكلبي من ربعنة
ابد ما للشماتة جروح بية
ابد ما للشماتة جروح تذكار؟
فقط كلهن لربعي وياي تذكار
نويت اتركهم وكصيت تذكار
اسافر قررت باول منية
اسافر قررت من غير ما عد
وبعد ما بية اعد جروح ما عد
حجيت ووضحت معناي ما عيد
اخاف احجي وتفز جروح بية
اخاف احجي وتفز جروح جسرة
اجس نبضه برهاوة جرح جسرة
جسر سويت للمهدوم جسرة
على جتافي وزرع عبوات بية
على جتافي زرع عبوات ثارن
وصدك لا ما عرفت اختار ثاراني
لرد من اليخون الزاد ثارين
ثار جتافي والكنا سوية
ثار جتافي والكنا يردن
حرب واليكعد بروحي يرى الدان
اون بصوت وجروحي يردن
لحد ما وكعت عيوني بدية
لحد ما وكعت عيوني بجتلة
وادية جم سهم منة بجتلة
لون رب العرش يرضى بجتلة
اسويهه واكتلة بابوذية
اسويهه واكتلة بالسرانة
دهن ما خلي حالف بالسرانة
بعدهن جاياتك بالسرانة
حكتهن بيت بيت بذني ادية
**************************************************
