ساعة دمعه...يوم حسرة..شهر غربة
وكل سنه مراجع طبيب
ناطريتك يا حبيبي..
وأخ لو تدري بعذاب اللي يناطرله حبيب
شمعه ومكيفه بضواها ..
بين ألف عاذل أولايم بالضـــــــــوه يودي ويجيب
ناطريتك ورده وطباع الورد مفضوح..
لأنهاره يضم خدوده.. ولسواد الليل يستر ما يجيب
ناطريتك يا حبيبي بكل محطات القطار ..أبلا متاع..
ابلا هويه..وريت حالك لا تشوف أشلوني نسام الغريب
وأنتظرتك ..لهفة العريس لشفاف الحبيبه..
والسلف ما بين ناهي وبين حيه وجوه فرحتنه تسيب
ناطريتك....لهفة العريس لشفـــــــاف الحبيـــــب
ناطريتك...آخ لو تدري بغيابك
بليالي شحبلت وگامت تجيب
ناطريتك خمره بأقداح الليالي
ويا عجيبة ألخمره من طاريك أشتحله وتطيب
ناطريتك غنوة بشفاف القصايد
وشكثر وحشه ألقصيده ألما يصير إلها نسيب
والله تستأهل أسولف بيك يا ملح السوالف
شربت شفافك مثل طعم الزبيب
ناطريت..بكل مچانات المواعيد وعطرها
بطبع من شوگ ألحمامه وساهرت بعيون ذيب
وعشگت حتى الگهاوي ....
الچنت أخط بيها الرسايل...
آخ يا گهوة (أبن برغوث)(5)
يا چاي الصحن والهيل من (مهدي الشبيب)(6)
ويا حديقة (جاسم )(7)الگطعوا نهرها
مثل ما گطعوا عله ليرضع حليبه
وعلموه (عالنيدو)(
والماي الغريب(9)
ناطريتك..وأنشدني أهواي الحديثات عنك
رادن يزوگن مكانك،ما رضه الدلال ييزي وگلي عيب
ناطريتك... يا حلم ليلي وعذابات النهار
ويا وجه كلما بعد عني غده الگلبي غريب
الشاعرالراحل طاهر الحسني
