دارميات
ليلة وبعـد ماريـد بس ليلة ياريت
آنة وحبيب الروح يجمعنا فد بيت
جلمة وبعد مـاريد وأنهيها سيـرة
بس جلمة آنة أهواك تسوى العشيرة
هم شايف بدنياك هم حصل مثلي
أركض وأدور أضماد للكصد جتلي
ياكلبي أنت منين يا ملّة ملتك
تدعيلة يشفى الجان رايد كتلتك
ميّت عذاب وشوكـ بفراكـ الأحباب
ومن عيني طار النوم ومناطر الباب
نص ليل افكر بيك ماعندي موضوع
كلما أكول أنساك تفضحني الدموع
تايه وأدور وين درب الأودهم
من سافروا لليوم وكليبي عندهم
بيت دارمي لعشاق برشلونة
يزول كلشي وعلي حب برشا مازال
وأركص هجع للصبح لو خسرت ريال
ابوهاجرالشمري
**************************************************
