دارميات بمناسبة حلول العيد
دك بابي اجاني العيد ها كتله شتريد
راويته جرح الناس ظل يلطم العيد
*****************************
ملهوف اجاني العيد بس جيته شتفيد
جي انت مامريت حسبالي مو عيد
*******************************
ياعيد اعيد بيه مادامك بعيد
لو ماتمر بالعيد غير اذبح العيد
***************************
تكتل حلات البيك والمثلك يهيد
شطلعك بول يوم ظل دايخ العيد
******************************
عمي انتظر بالبيت وين انت طالع
من تطلع انت العيد يلزم الشارع
****************************
عيب استحي من الناس يادمعه ردي
ليش بصباح العيد دستي اعله خدي
****************************
إنتي الذهب والماس
والجوهر انتي
والدنيه تصبح عيد
كل ماضحكتي
==============
بالسنه ثنين اعياد
أسمع يگولون
وكل ضحكة منك عيد
ياحلو العيون
==============
گالولي باچر عيد
إلمن تعايد
مادروا إنته العيد
وبگلبي گاعد
==============
فرحة وسعادة انطيك
بس گلي شتريد
ومني اخذ بوسات
من هسه للعيد
==============
عيدية الك بوسات
ما منها موجود
تطبع على الدلال
لامو عالخدود
==============
خلني بعذاب الشوگـ
مارايد العيد
چي لنك انته اليوم
عن عيني ابعيد
==============
ملهوف اجاك ايگول
عيدك امبارك
==============
گالولي اجاك العيد
چا ليمته اتهيد
عيد اليمر بجفاكماينحسب عيد
==============
تدري آنه گبل العيد
عاشورك اوياي
حاسمها لو مو عيد
ماتضحك اشفاي
==============
كون الفرح ينباع
واشريلك العيد
يالشوفتك عيدين
عيد احله من عيد
==============
بالعيد اشوفك وين
يالشوفتك عيد
مشتاگه روحي اليوم
وتشوفك اتريد
==============
هاك العمر واختار
من عنده شتريد
بس كون اگضي اوياك
صبحية العيد
**************************************************
