انتظار

هسه طابن ذني وي ذني من اجيت
وكلشي مات بروحتك هسه عدل
وكلبي دك صدكني من كضة ايديك
وظل يضخ بكل شراييني عسل
جدمك اخضر ماسحك شي ماحياه
بعكس عينك جم بشر منها انكتل
مثل ماكلشي عفت يوم المشيت
مره اريدك تبقه وتعوف الزعل
وخلصت كل عمري وياك انتظار
شظل بعد من عمري وتكلي انتظر
مو كمل بستانك وفات الحصاد
والسنابل شيّبن مو بس صفر
وطاح كل محصولك وطمه التراب
وشح عليه الماي واتبره ابطر
والعطش خله السنابل عاريات
شماتهب الريح عودك ينكسر
والغيوم اتلاشت بكل الفصول
كمنه حته بآب نترجه المطر
وكتك الجان انتهى وماظل أمان
هسه حته الجان ظل ماينحزر
كل عضو بجسمك بعد مايشتهيك
طلع من اللحم واتبره الظفر
مو مهم لو زادن همومك عليك
المهم من تشكي يسمعلك بشر
الصداقه اتغيرت من الجذور
ورّدت غيره وحقد بس مو خضر
شنهو البعينك حله وكلش نسيت
خاف باجر غفله ياخذنه الكبر
النهر جه ضيك نعبره بأمان
لان بس يكبر بعد ماينعبر ..

الشاعر
عــلي الــكعبي
م ن