شعجب بطلت بلغالي تراسل
ودليلي بسبب فركاكم تره سل
عليك الصبح والمغرب تره اسأل
واكول اشغير الغالي عليه
************
مالك عالدليل اشلون حاطيت
شرك وذياب حول شرك حاطيت
عله غيري وجنت اصفكلك بدايه
************
شلون تروح بحضاني ونتراب
وتذبني بماي هجرانك ونتراب
جروحي قوم تدريهن ونترب
شجنيت وحضرت قومي عليه
***********
بمحبتك بيه شوجن صار ون تل
بدليلي وبالمحبهة حبل وانتل
اعله شوكك كمت انام الليل وانتل
تجيني بطيف تذبح ذبح بيه
************
تلال الضم بيه وصار تل ون
وشجاجنيا ليلي السود تلون
طحت شماتي كوالات تلون
مو قرأن ردحن ردح بيه
***********
علدربك شوف خلك
ما تجدما
وعجب للحين شوكك
ماتجدما
تعال وشوف عيني
ماتجدما
فقط بس السواد اتشوف بيه
***********
عدل سهمك اجاني من رميته
وتره الصياد واضح من رميته
مره الروح عدله مره ميته
انا الممنون اذا تسأل عليه
**********
طعم اللوز صدك مو طعمها
ربك بلمحاسن مو طعمها
اذا بسكت ابوها وموطا عمها
وامهه النستله شتصير هيه
***********
اخبرك ع الكلب والضيم حل بيه
رجيج وحزن المفلوك حل بيه
سهمك صوبيته وصحت حل بيه
بجهنم ينحشر كون ويه ال اميه
***********
شخبرك و انتقامك موت بي حل
وشلز من والعمر طشار بيه حل
اعله باب الموت واتشفيت بيه
**************************************************