ابوذيات عراقيه حديثة
اصيرن جفن لاحبابي وظل عين
واظل بالشده واكفلك وظل عين
ست اعظام اكسرلك وظلعين
سويهن جسر واتمر عليه
................................
عليمن يا جدم سيرت و اخطيت
شكثر مني حملة ذنوب واخطيت
عمت عيني رميت خشف واخطيت
غشيم وردت الجيله عليه
................................
سکاره احنه بهواکم ماصحينه
مطرنه ادموع الکم ماصحينه
شکثر يوجع جرحکم ماصحينه
نحبکم واليحب يحمل اذيه
................................
رحتو بعيد وحنه الكم شعرنة
مشيتو ولا بعدينفع شعرنة
اجذب لو كلت ابيض شعرنة
شعرنة الطاح من رحتو من ديه
................................
جمالك مالكيتة بكل دول اسيا
ونيران حبك بالكلب اسيا
اذا خلصت رصيد بكارت اسيا
اتصل من زين لضمه عليه
................................
جرحي مارضة يشفة هوادم
عشكتك جا خفيف ابشي هوادم
نبينة الاول انعرفة هوادم
كبل ادم احبة ايخون بية
................................
عقلي ماصفن لحد صفن لك
عمري اوروحي وكليبي صفن لك
اخلاق اوطيب اوعفة صفن لك
وصف اخلاص حبك بس الية
................................
كلبي امنل حزن كلش تراهم
اشتضن انتة العشك راحة تراهم
شمات الحجو عنك تراهم
نفسهم جانو ايشمتون بية
................................
حبيبي اهلا بك في قلبي وسهلا
ارد اصيرن وادي لعيونك وسهلا
ريت اختبارك يكون حلو وسهلا
ولاتحتاج لبراشيم واذية
**************************************************
