مساجله بالدارميات بين الشاعر حسين الساعدي والرائعه مريم17
مريم
منتظره كومه اسنين بس انته وينك
بلكي ايتلاكن يوم عينه اويه عيني
الساعدي
أدري انتظارك طال بعيونك اعتاب
موبيدي والعذال وكفولي بالباب
مريم
لا ياهو لا مرسال لا مسج منك
محتامه هاي الروح طمنهه عنك
الساعدي
لا نَت نصح وياي لا مَسج الِيروح
يتكطع المرسال ويكطع الروح
مريم
كالولي تضحك حيل من فاركتني
حسبالي تبجي ادموم لمن عفتني
الساعدي
لَتصدك الشمات كون انته شايف
يتجارن الدمعات فوك الشفايف
مريم
خَبرني روحك ليش ما مستريحه
إسمعت ذاك اليوم كالوا جَريحه
الساعدي
شحجيلك إمن اتنوح حيرتهه حيره
كالوا يهد الحيل عِشك الزغيره
مريم
كل الاهل والناس رادوني اعوفك
يل ساعدي وهالعين رادت تشوفك
الساعدي
واشكد يمريم ناس رادوني انسه
واخر مسج مَرسول واصلني هسه
مريم
متعجبه من هالناس شعليهه بينه
شو كلهه شدة راس لمن هوينه
الساعدي
بَطرانه هاي الناس يَردون أعوفج
مادروا متفقات روحي اويه روحج
مريم
كون الكلب ينساك أتبره منه
للغربه وأمشي اوياك وأترك أهلنه
الساعدي
كل الهلا ابملكاك بس مر عليه
أستقبلك وأنطيك روحي هديه
مريم
يل ساكن ابهل روح تسلملي روحك
بأمريكا كون اتصير اوصل وألوحك
الساعدي
توصل تجيب اوياك كلبي الأريده
واكتبلك الملكاك أجمل قَصيده
مريم
شاعر بعد عملاق والساعدي اسمك
ما حاجه أفكر بيك كدامي رَسمك
الساعدي
لو نكعد أنه أوياج عين ابطرف عين
من الشعر كل يوم نكتب دِواويين
مريم
اعيون الشماته اتشوف لا تكصي بيه
بالدرب لو مريت سَلم عليه
الساعدي
شماتك ابهل يوم خَلهم يشوفون
واحله سلام اوياك باسمك يسمعون
مريم
كون التمني ايصير هسه اني يمك
وأكعد اكبالك يوم كامل وأرسمك
الساعدي
احله رَسم جا صار بعيوني شفته
طول العمر تذكار من ايدك انته
مريم
سَويلي جاره العين ما تقبل اتنام
هَم التقي وياك يوم إمن الايام!
الساعدي
خلهه على الله ونام لتهم أوَصيك
لو قسمتي وَياك راح التقي بيك
مريم
اعيون الشماته اتشوف لا تكصي بيه
بالدرب لو مريت سَلم عليه
الساعدي
شماتك ابهل يوم خَلهم يشوفون
واحله سلام اوياك باسمك يسمعون
مريم
وين الله وبرمضان وترد عليه
لو نسمع الاذان نفطر سويه
الساعدي
وين الله كون ايصير هذا التمني
وما تبتعد فد يوم يالغالي مني
مريم
كون العمر وياك يكضي سوالف
متفارك الضحكات من الشفايف
الساعدي
ريت التمني ايصير وتلمنه فد دار
نكعد توالي الليل بس نكتب أشعار
مريم
حلوه ابتوالي الليل نكتب قصائد
يا بعد هاي وهاي كل السواعد
هههههههههه
الساعدي
يا بعد هاي وهاي ذني وهذني
من كثر وَني اعليك ظنوني أغني
مريم
وين الله ترجع يوم وتداوي الجروح
انذر نذر لو جيت للكاظم انروح
الساعدي
أتمنى هذا اليوم وايدك بديه
وأمشي مَشي وَياك للكاظميه
مريم
اتيهني خافن يوم وانته ابغربتك
يل ما نكرتك يوم حلوه صحبتك
الساعدي
تيهت كل الناس ما تيهيتك
معروف الك عنوان بكليبي بيتك
الى اللقاء مع مساجلات اخرى مع اجمل التحايا
منقووول
**************************************************
أحلى مابيك ومن صفاتك وصلك
أروح وياك للشمس لو تريد أوصلك
ولو تصير بأخر العالم على رموشي زحف أوصللك
ميت وبشوفتك ترد الروح بيه ........
