ما يرضه ضميرك ابقه مرتاح
لأن ميت ضميرك انته مو حي
ادموعك من تهلهه ادموع تمساح
وتتلذذ بأكلي ولا زلت ني
احترك واصبح رماد اتذرني الارياح
والك شمعه اذوب وانكلب ضي
وذا انته اعلى بعدي اتقيم الافراح
انا امن الثوب الاسود اتخذ زي
وامس هم الكلب من شفتك انزاح
وصفحة حزني راحت وانطوت طي
وجنت حسبالي ماي وتروي الارواح
اطلعت عطشان انته وانه الك مي
وانا الطيفك خدعني بعيني من لاح
ولكيتك بس سراب وانته لا شي
وكبل موعد قطافه اعله الارض طاح
ورحل حبك مثل ما يرحل الفي
العبت دور الضحيه وجنت سفاح
وعلي مارست حكم الظلم والغي
ومثل طير ارجعت مكسور الأجناح
النفس من تنجرح ما ينفع الكي
**************************************************
