ما اكلك الله وياك يل رايد تروح
هو الجسد شيفيد لو عافته الروح
.................................
عين وتغص بالشوف هم سامع بهاي
مر بيه لو بالطيف يل صورتك ماي
......................
ارد اسال اهل الشوك هم تصح طيبه
للطلعت من اجفاك بعيونه شيبه
........................
اتمنه روحي تصير ريشه بوسط ريح
ومن توصل احذه الباب يم رجلك تطيح
............................
عبالك من تموت للجنه تدخل
وبخنجرك سويت دلالي منخل
...................
للجنه ماخليك تدخل دقيقة
جي شككت بجفاك للحب وثيقه
..........................
نتكابل انه وياك يوم القيامة
وكل دمعه منك غاد تطلب غرامه
.........................
يوم القيامة تصير فك دينك وطب
وانت شكثر مطلوب ياناكر الحب
...........................
جي امس جان الطيف بيه انت موجود
شفت الصبح عالعين يتعارك الدود
......................
ضم شكر مو كافور ابن امي اليه
خاطر بساع الدود يلتم عليه
.....................
مومثل باقي الناس من ابجي ابجي
اسكت واخلي العين عني الك تحجي
........................
تمنيتك السفان وانه السفينة
وسكته اعله وجه الماي نكتب حجينة
**************************************************
