ما يهمني سمعت لو كالت الناس
ما يهمني سمعت لو كالت الناس
لان حجي الناس كل ساعه شكل
انه شايف ناس شغلته النفاق
همه بس تنقل حجي ماله اصل
وانه شايف ناس تحجي بلا سبب
همه تاكل بالبشر هيه اكل
وناس تحجي ولا تطبق بالكلام
هي بس تحجي وعليك انت الفعل
ليش احنه ما نغير هالطباع
ولش ما احنه نصلح هالخلل
لا تظل نحجي وتردد بالكلام
اعرف اصله منين هذا ولا تزل
افحص انت وشوف مصدر هالكلام
ربما احجايه ولك تكتل كتل
لا تردد ولك مثل الببغاء
انت انسان ولك هذا العقل
خاف ربك والمثل تدريه شكال
اكعد اعوج واحجي يا زلمه عدل
تدري من تحجي تصير انت اسير
للكلام اللي حجيته بالحفل
مو كلامك هذا قد يشعل النار
جن حطب حطيته انت ويشتعل
وانت ما تدري الحجي مثل السيوف
وال تجرحه الكلمه يبجي وما يمل
وسفه دنيانه صفت بس بالكلام
ابد ما فكرنه احنه شنشتغل
وشوف تاليت الحجي بس الخراب
بس قطيعه وهجر ما بيه وصل
يله خل نرجع نفكر بالصحيح
والكلام اللي نكوله مو سهل
البخل بالمال مذموم وحرام
لكن بكولك يكون احلى البخل
انت تدري شكال سيدنا الرسول
(الكلمه الطيبه صدقه)
وهيه كل صعبه تحل
يله خل نرفعه دوم ألنه شعار
وخلي اشفافك تنكط بس عسل
,,,
مــاراقـ لــي
**************************************************
