قصيدة امسح ادموعك
تعال امسح دموعك وارسم افراح
علة عيونك وخدك والشفايف
ومعليك بحزن ذيج المواضيع
وراح اختارلك احلة السوالف
واعرفني وبعد لاتعرف الناس
وانة وياك ننساهة الطوايف
ومعلينة بعد بالرايح وجاي
ومعلينة ولو بس ابقة خايف
اخاف عليك من عين اليحسدون
ومن عيون تجار العواطف
والتفخيخ خايف لايمر بيك
وخايف لاتمر بحزام ناسف
تعال بروحي ابدلك شلي بالروح
اجازف بيك بيك ومااجازف
شكد شايف عشك واحبابنة هواي
بس مثلك عشك صدك مشايف
درب تفكيري كثرة البيه يمرون
ولكيتك بالدرب بس انتة واكف
وشغلت الفكر كلة وصرت موضوع
وانتة بالعمر ماانتة عارف
وانا الصادق بحبك واحلفت بيك
بطولك بالوجه بالعشك حالف
ميلادك محبتك صارت اليوم
ويظل كل يوم ميلادك يصادف
يبو نظرة التكتل انتة معذور
اذا تكتل بشر لتكول اسف
سر بيك وعجيب وثكلك البيك
عليك من الجمال هواي ضايف
ولحن صوتك لحن كل العصافير
وميعزفة ابد هيهات عازف
وجرح بيك جن جرح الرياحين
كلما تنلجم بالعطر نازف
م ن
**************************************************
