تحب واحد يجرحك هذا طبعك ليش
تحب واحد يجرحك هذا طبعك ليش
وتتلذذ احسن بالجرح لو جاك
تدلل بسيطه شرايد انته ايصير
هم اكدر اصيرن قاسي حيل وياك
خبره سنين عندي من الجروح اشكال
اختار اليعجبك حته اكلك هاك
بعيوني كلت لو غبت عني اتصير
وعلى حيطان شوفي شمارحت الكاك
هسه شغيرك وبشوفي مامرتاح
وتذكر من جنت نتسامر انه وياك
يذبحني غيابك واندمل ضحكات
ياخيبة ورد مزروعه يم اشواك
مر هذا الطعم ماعرفه مدري منين
جي شافك هو بنص ريتي صاح امساك
يحذروني واكلهم انتو متوهمين
تره بدفتر عشكنه ماكو راح انساك
ماعندي بخت حته الاحبه ايدوم
بس فراك دوم بحبي عانيته
صح كثره جروح بكلبي بس لتخاف
كبل لا يجي جرحك كلبي وصيته
من خيرة اجروحي عفيه اكلك؟ ليش ؟
ما اعرف جوابي بصمتي ضميته
من تصير عد وانه اعد ونشوف
يسجد منكسر لو جرحي راويته
وارجع وانه نفسي الرابح الخسران
اتفاخر بجرحك من علن صيته
واجي يم اذن ذلتي واصرخ باكبار
مو كل جرح عندي جرح سميته
انه بالنسبه الي كل الجروح ايتام
وكاس دموع بعدك انه طشيته
لذلك من يدك ايتيم باب الروح
افرح من يجيني ويرجع ابيته
ويظل بينك وبيني بعد ميل احساس
لا ترمي بحجر عالشمس دليته
انه استغفرت بعدك فرض للاحساس
وعلى محراب عينك كلبي وديته
ولا جنك بعتني روحي شاغت غوث
وتوضيت بزعلنه وشوك صليته
م ن
**************************************************
