من شعر عبد الحسين الحلفي

من شعر عبد الحسين الحلفي

من شعر عبد الحسين الحلفي %D8%B4%D8%B9%D8%B1_%D8%B9%D8%A8%D8%AF_%D8%A7%D9%84%D8%AD%D8%B3%D9%8A%D9%86_%D8%A7%D9%84%D8%AD%D9%84%D9%81%D9%8A

عبد الحسين الحلفي شاعر عراقي اهتم بالشعر العراقي الشعبي كا انه من أهم شعراء الحداثة في العراق الذي اطلق عليه لقب "متنبي الشعر الشعبي " اتصف شعر عبد الحسين بالتناقض والجمع بين الاضداد، وانتشرت قصائده بشكل كبير وبالاخص في العراق سواء كانت المرئية لكنه اصيب بمرض العضال وتوفي في يوم الجمعة 4-2-2011 عن عمر يناهز 40 عام تاركا خلفه العديد من القصائد الشعرية الجميلة التي اخترنا لكم منها ما يلي :

خدك يكهرب

كل حلو ينباس بس انته الوحيد دخنه بيك وعدنه صارت هوسه

خدك يكهرب والي يبوسك يطيح كمنه من بعيد ناخذ بوسه

بخدمتك عمي شنهي تريد بس كول اجيب الي تريده صار بالييد

واذا متريد كلشي متريد هم صار بخدمتك هم اجيب الكلشي متريد

مسح تحديد للكل اني سويت اسمك هم بقى اتعده التحديد

عده صوتك يشاذ بذني اي صوت وحتى الصرخه منك جنه تغريد

نعم غيرك اكو حلوين وهواي لجن بس انته اصلي و هم تقليد

مااشتهي اليوم احجي ويه غيرك ولا تشتهي عيوني غيرك اشوف

تدري شكد لهفتي عليك يا فلان بكد ضيم العراق عليك ملهوف

تسحك ع كلب صدكني ما اضوج بس اني علمودك عايش بخوف

لان كلبي درب وجروحه عثرات

وخاف طيح من تسحك بلا شوف

شكلك اني احبك والله غلطان لان كلمة احبك ناقصه احروف

وصل حبي الك حد ماهو معقول بحيث وياي انته واني مشتاك

تشابكني وتشاقيني واشاقيك واصيح الله واكبر بس اكو فراك

ملك امشي على طولي وانته وياي ومن تبعد ادنك واخذ مراد

وبس انته حلو وعليك اشخص الناس

من كد ما حلو من بعيد تنباك وصاير بوك بالحب هاي اليام لذالك ما اعوفك خاف تنباك

واذا لا سامح الله بيوم باكوك وداعا يا ضحك مرحبن يبجاي

كبل لا اشوفك اني اتلوعت بيك وكبل لا نلتقي سميتك هواي

ما فك باب بيتي شما يدكون وافكلك باب بيتي وانته ما جاي

واجيت وعركه صارت بين العيون عليك اعيوني هاي ضد كبل هاي

ذا غثيتني اصير الصبح لليل واذا تضحك تشر الي دنياي من تروح اصوم ويبدي رمضان ومن ترجع ااذن واشرب الماي

احبك مو لأن انت حلو...لا

احبك مو لأن انت حلو...لا

لأن روحي التقت گبلي... ولك بيك

اذا إنت تمُّر عا الأعمى يصيح الله

والأخرس لـَّون حاچيتة يحاچيك

أذب گلبي إعلى سهمك وآنه مجروح

واگلك دير بالك اخاف أأذيك

إجرَّحني ولك بس كون عالكيف

لأن إنت ويَّـه دمي وخاف أبديـِّك

إجرحني ولـك بس كون ماموت

حتى مـِّن يتهموَّنك أبريّك

على المراية وگفـت ما شفت وجهي

وشفت وجهك طلعلي وگمت احاچيك

وثبت بمرايتي وجهـك مرايات

واباوع وجهها مرايتي بيك

بگذلتك شِّد رگبتي وطلع الروح

اريدنها بعد تتگرب إعليك

انت بحضني واگول بعيد

اريدن هيچ كون آنه انخبط بيك

بيا شارع مشيت گبالي الاگيك

افوت بغير شارع هم الاگيك

ارد للبيت گبلي الگاك بالباب

اطب گبلي تطب وتگلي اتانيك

بغيرك فكرت كلت آنه انساك

طلع غيرك يشبهك وفكرِّت بيك

طلع غيرك يشبهك وفكرِّت بيك

يعجبني الجرح لو لاكه شمات

يعجبني الجرح لو لاكه شمات

يضم روحه بحيث ايبين التم

وتعجبني السيوف بجف الاسباع

يحمرهه الخجل لو ما لكت دم

اذا انته ما شفت لا اتكول ما اشوف

تحجي العين اذا لسانك تلعثم

شوف الفلح من تموت الورود

بغير ورودهي تروح تشتم

بس شوف الورد لو مات فلاح

من تشمه تلكه بعطر مأتم

شوف اصعب وجه تقراه العيون

لكن بالكلب الله اعلم

كلبي اكزاز بس تسحكه خسران

اذا هو انكسر انته التصب دم

الحسب عقله يحب صدكني يرتاح

الحسب كلبه يحب صدكني يندم

كتلك انا احب ادم ابو الكل

بس ما احب ابو التفاحه ادم

حسب عقلك يصاحب شوف كلشي

واضربلك مثل عن كلشي واشلون

اكو يحجون من الصبح لليل

وحرام انجان تفهم شنهي يحجون

اكو ساكت وحلكه مخيط اخياط

وحجيه اشكد حلو بنضرات العيون

من ابزك بالحجي لا تزعل ارجوك

اسمعني وكول شكرا

الابرة من تبز الثوب يا صاح

قصدها تخيط ابشك اليشكون

وداع الي تكرهه يريح البال

اوداع الي تحبهم يعمي العيون

الماي اشكد حلو بحلك العطاشه

بس شلون نقمه اعله اليغركون

تطلع الروح اكو شغلات مرات

بس مرات هي التردلك الروح

اذيه الباب من ينفتح للريح

بس اشلون لو بالسجن مفتوح

ابنادم يضرب اللوح ابسامير

لكن من يموت اشابكه اللوح

اكو من الفرح يبجي حيل مرتاح

واكو شابع ضحك بس هو مذبوح

اكو ايده طويله كلشي ما لاح

وابو الفضل بلا جف وكلشي ايلوح

اكوكلشي ما يملك عاش مرتاح

واكو يملك الدنيا وعاش مسكين

اكو يعوفك اسنين وجنها ساعات

واكو يعوفك دقايق جنها اسنين

واكوما يباوسونك بس يحبوك

واكو رب المباوس بس شياطين

اكو بالكبر بس مو موته عاشو

واكو مو بالكبر بس همه ميتين

اكو جفه انكطع بس موش عباس

واكو يذبحه الشمر بس موشالحسين

**************************************************

من شعر عبد الحسين الحلفي Images?q=tbn:ANd9GcTTlFi_J7m_goy_4fG8y3oItWmmq8SrzgREY8U98e6PX8Emr0G0&s

كالعادة إبداع رائع

وطرح يستحق المتابعة

شكراً لك

**************************************************

من شعر عبد الحسين الحلفي 3dlat.com_14132896941

ألف شكر لكَ على هذا الموضوع المميز و المعلومات القيمة
إنـجاز أكثر رائــــــع

**************************************************

سلمت وسلمت الايادي التي شاركت وساهمت في هذا الطرح الجميل
بارك الله بك ولا تحرمنا من ابداعاتك وتميزك المتواصل

**************************************************

من شعر عبد الحسين الحلفي Images?q=tbn:ANd9GcT8drrFuQfCpbkBTrMkoaoaDCG6DV-yDYF-qA&usqp=CAU

» ابوذيات عبد الحسين الحلفي
» احبك مو لأن انت حلو..- للشاعر عبد الحسين الحلفي
» عبد الحسين الحلفي ..سفره
» عبود +++جمعه الحلفي
» جاملتــــك... عبدالحسين الحلفي