من يمر طاري النجف

اتنومس..وابتسم..وافرح
من يمر طاري النجف
تدري ليش؟؟؟
جي يلن بيها الصميده علي
المايوم كلبه رجف
خبز شعير جان ياكل......
وملحه بيضه
وماعرف للعيشه طعم الترف
هو اول من بايع الرسول
ومايوم للبيعه خلف
هو اول وزير بدولة الاسلام
من يوم العزيمه ..... والجماعه اكلوْ من
الخروف الجتف
هو اول فدائي بات بفراش الرسول
ونال مرتبة الشرف
هو عنده ضربه وحده
تعادل عبادة كل الاكوان
لو لاها
مابقى دين ومنعرف
هو باب مدينة علم الرسول
حافظها كلها
ومانسى منها حرف
هو ابو لكل المساكين
بالليل جان يفتر عليهم ويطيهم اكلهم
ومايخلي لبيته حرف
وهو ساقي حوض الرسول
المايعرفه اهنا... اهناك يوكع
من السراط وينحرف
وهو الشفيع لشيعته بيوم الحساب
من تقصر الاعمال
وهناك ماكو غيرك موده وعرف
الا انت يبو الحسنين
واذا ما اجيت النه !!!!؟؟؟
ترى مصخمه الاعمال كلها!!!
والحجي يصير كلّه خرف
والحجي يصير كلّه خرف

شكرا اخي لمرورك
فعلا واكيد ان الامام علي لا يحتاج الى تعريف وليس نحن من نعرفه
لكني اردت ان اضف النكره الى المعرفه كي اعرف انا لعلي انتفع يوم التنادي