موالات جميله
اصاحبي بغيبتي شتسوي انا حاسبك
خرزات سبحة صرت وحساب انا حاسبك
يالي ضميرك علي مايوم هو حاسبك
والوكت بس وياي ماحكم حكمه عدل
واتمنى من دنيتي لويوم تفتر عدل
لورحت عني انتهي وشلون ايقه عدل
وأنه ألهوى والماي والدم والنبض حاسبك
يمة رماني الهوى وحيلي بدة محلل
ونار ألي بكلبي اسعرت ماشافهة محلل
ناديت ولفي تعال بشوك وامح الليل
واقرب عليك النبي والواحد الاحد
وزيح هم ألي بدة من الاثنين للاحد
آني يايمة أن متت لاتتهمون احد
جتالي ذاك الترف ماهوب ومحلل
ياساكن رويحتي هاك استمع مايلي
وحدك عشت بالكلب وغيرك ابدماالي
عطشان انه لشوفتك يالشوفتك ماي الي
والشبع من شوفتك كل عمره يبقى عدل
وياك ماخالفت صدكني ماشي عدل
لايرضى قاضي شرع ولايرض قاضي عدل
للناس تحكم عدل وحكمك علي مايلي
تعبان مل الجدم درب العشك طالبة
والوكت ليلة وحش ما من كمر طال بة
يا كلبي داع العشك عن حقك وطالبه
عطشان اخذ من نهر دنك ورد
حل موسم المدرسة وبسجتة خضر ورد
من غبشة حد الـ12 كل ساع اروحن ورد
مجبور غصبا علي كيف انا حب طالبة
**************************************************
