قصيدة ماجابك الصبح لعيوني وهي تحتريك
ماجابك الصبح لعيوني وهي تحتريك
ولا علمتك السما اني تحت انطرك
والريح مازفت اخباري وشوقي إليك
ولا جابني الليل حلم يمرك ويسهرك
الله خلق اربعين من اشبها مهتويك
مافيه واحد لقيته صدفه وذكرك !!
معقوله انك نسيت اللي ماعمره نسيك
اللي خسر كل حاجه لجل مايخسرك
الشمس تشرق على الدنيا تسلم عليك
وانا اسئل الشمس عنك مير ما تخبرك
ليتك كما الما وتتبخر ولا تحتويك
الا سحابه تجي من فوقك وتمطرك
ابرتوي وصل من حبك وابي ارتويك
وابسمعك مثل ما اشوفك وابي اشعرك
ولا ابيك اتعذرلي ولكن ابيك
ان جيتني بعنذرلي عنك وبعذرك
ولا همني ان مت منك دامني مت فيك
اصلا انا خابر ان قتلي مهو يعسرك
يا احلا من احلا الوصوف اللي مهي تعتريك
اللي ما شافك بعينه صعب يتصورك
كل ما لدا الناس نبذه من بعض ما لديك
حتا انت صدقني ان شفتك !! تبي تبهرك
سوالفك .. ضحكتك .. غمازتك .. مقلتيك
جميع ما فيك من رجلينك ال شعرك
اعاملك مثل ما تعامل حدا والديك
أبرك واحترم رايك ولا اجبرك
واشوفك الموطن اللي بالدما نفتديك
واشوفك تشوفني طاغي ومستعمرك
مدري شسوي عشان تحس الله يهديك
تبيني اسحرك يعني والله ان اسحرك
يا اصعب محطه بعمري ماقدرت انتهيك
لا تقصر الرجل من دونك ولا تعبرك
لاقلت ابنساك في غيرك ولا عاد اجيك
انسى كلامي وانسا غيرك واذكرك (؛
للشاعر فهد الصعيري
**************************************************