اذا ماعدكم مكان
اني هيئتلكم غرفتين
حلوات واثنينهن ركن
واثثتهن باحلى اثاث عندي
الفوك حاجب والجوه جفن
والمكان
المكان باغلى مكان
قرب عقلي الظال بيكم ممتحن
لان دوريت ومالكيت الكم مكان يليق
غير هذا السكن
هلا بيكم تعالو اسكنو يمي
حتى مو كل ساع الكم احن
ومن اشتاك الكم
افتح بس هدب عيني
وامتعها بهل حسن
لان من افتح اجفون عيني كلها
يشع نور خدكم والوجن
وانفضح وتلتم الوادم عليه
تريد شوفتكم ويكسرون السجن
سجن عيني القافلها عليكم
ولاحم اجفوني بلحيم ولدن
ولا تلومي اعله السجن
سالو زليخه اشلون حارت بيوسف
وعقلها بيه انجن
وانتم كطعتم اخر بت بقى بعقلي
كمت امشي واسولف
مثل المدوهن
لا الله يهديكم تجون
لا اكدر اني الكم اجي
وباقي بس عليكم اطحن طحن
وباقي بس عليكم اطحن طحن
