الثعلبة
بنات انا صارلي سنة تقريبا لاحظت بالبداية ان شعري حيل حيل حيييييل يطيح بشكل مخيف مع اني ما كنت اهتم عبالي عادي !!
بس الصدمة ان اختي لمن شافت راسي ولا طلع فيه بقع اكثر من 6 براسي بس فيهم شعر خفيف حييييل وضعيف وفي اماكن فيها شعري خفيف قاعد يطيح ):
على طول نفس اليوم رحت دكتور خاص واول ما شافها لا تحليل ولا شي طقني ابر والابر تذبح
ما كملت معاه الا ثلاث جلسات تقريبا ما تحملت العوار والشعر حمدلله في مكان طلع الشعر قوي
وفي اماكن الشعر ناعم والشعرة رقيقة حييييييييل جنه وبر ! مادري من الابر طلع جذي ولا اهوا من الاساس موجود
رحت دكتور ثاني عطاني اشياء تجميلية وكملت علاجه كامل وما سوى شي !
ورحت حق دكتورة المرة الثالثة بس ما ارتحت وسويت تحاليل بس لان قالتلي احنا بنبلش علاج واذا ما نفع نحولج حكومة عندهم علاج اقوى من الخاص !!!
بعد معاناتي ويا الخاص رحت الحكومة
اول شي سويت تحليل وطلع دمي زين بس الحديد نازل 9 وعطوني حبوب حديد قوية مو موجودة بالحكومة قالولي اشتريها من برا ، وعندي فيتامين دال نازل 3.5 مع ان ما اشتكي من عظامي كلش بس شعري يطيح وعطوني ابر 3 كل شهر مرة ،و عطونيدوا اذهن راسي فيه ،وطقوني مسدس صارله سبوعين بالضبط وباجر موعدي عالجلسة الثانية وما حسيت بالتغيرات ! بس اشوف هالدوائر فيها شعر حييييل ضعيف حييل ولازم براسي من كثر ما اهوا ناعم وقصير !
بنات عفية طمنوني في احد مرت عليه مثل هالحالة لان بس اشوف شعري وابببجي بجي واتحسر ):
اي احد يتكلم عن الشعر امي تطالعني خايفة لا ابجي ولا تتعب نفسيتي وانا اخش بقلبي للاسف مع ان اول عامل للثعلبة اهيا النفسية بس هالجم يوم قاعدة احاول اقط كل شي ورا ظهري وما افكر
وبغيت اسأل الي جربو المسدس او سمعو عنه جم جلسة قعدو وطلع ؟ تقريبا فيني الحين 5 اماكن فيها الشعر مثل ما وصفته لكم خفيف وضعيييف حيل جنه وبر او اقل بعد
في احد جرب الثوم ؟ انا افرمه واحطه مع زيت زيتون واخليه ينقع لي بليل بعدين احطه او اخليه يوم بعدين افرك فيه مكان الثعلبة وافرك شوي واخليه نص ساعة واسبح صارلي يومين بس وبستمر عليه ان شاء الله بس ابي رايكم
م ن
**************************************************
