شعر شعبي عن حب هذا الزمن
جدي كلي شلونه حب هذا الزمان
كتله خلهه مجودره ﻻننفضح
كلي جدي احجيلي وانطيك اﻻمان
ارد انشط الذاكره ﻻتننمسح
كتله جدي من 12 يبدي الغرام
وتبتدي الخدمه ويصح المايصح
وذاك عنكود العنب مو عالي جان ؟
هسه غافي بحضنك ايظل للصبح
تبوسه خلك ...هو باسك ...عادي صار
اتصير عشره ابينكم بوس وملح
كلي موحب ....كتله حب ...وكلي ﻻ
.. كلي موحب هذا اذا مابي جرح
احنه حبينه قبلكم حب شريف
البوسه جانت بالعشك بس للصلح
ماصبغنه وجوهنه نسويهه بيض
نفسه لون وجوهنه المايسمح
النحبه نحبه جنه لمستحاه
سر جماله بعفته وقلبه السمح
وجنه نتواصل رغم ماكو اتصال
وجنه نتكاطف رسايل عالسطح [
**************************************************