ابوذيّات عراقيه:
لفت منّك رســــاله وكمت هلّيت
ودموع أبدم لـــجل فركاك هلّيت
تركت ألنه الظّلام ورحــت هلّيت
أبـــــّلاد اللي صعب وصلك عليه…..م
::::::::::::::::::::::::::::::::
منو كلّك سنين العوز ياون
فـــــقير ولازماته بأيد ياون
أون أعليه كلّي بعــد ياون
وانا طــور الونين أحتار بيه…عدنان الكناني
::::::::::::::::::::::::::::::
يروحي أن صبرتي وأن يرتاي
هاي أعله الوكت وياج يرتاي
أكابر خاف جدح الصبر يرتاي
حيا من شامتي موحيل بيه….س\يوسف الكوبعي
::::::::::::::::::::::::::::
الوكت كضني وجتفني جتاف منحال
كسر عضمي وتركني بحــال منحال
كطع رجــــــواي ريع العــام من حال
السنه هم حــــــال ماضل حيل بيه….عدنان الكناني
:::::::::::::::::::::::::::
الدنيه ماتدوم بحــــــــال حالين
ولعن ينحل جتاف الوكت حالين
أذا ريع السنه والعـــــــام حالن
أنــــه سنين يوسف كضن بيه…محمد رؤوف
::::::::::::::::::::::::::::
دليلي أعليك شوف شكثر ونجار
بسبب مدّيت حبلي وياك ونجار
ربطت انه أخــــير وصـــدر ونجار
كــــــطع ذني الثلاثه وشاه بيه..الحاج زاير الدويج
::::::::::::::::::::::::::::
سهمك صـــوّب الدلّال بعداه
بدليلي وكمت اجر الاه بعداه
المثلك ما يسوّي هيج بعداه
ولا يعمل عملتك هـــاي بيّه..م
**************************************************
