قصيدة سر الحب
مجنون واسولف وحدي وياك
بحيث اتخيلك وياي بالبيت
عند اهلك نعم بس عايش وياي
وحتى افراش الك بالغرفة خلّيت
واتصور بعد من اشتهي الزاد
اعزل حصتك وبجوعي ظلّيت
وانسه حتى اسمي من ينادون
ومن صاحوني باسمك ( ها ) ردّيت
ومن اطلع بعد للباب احتار
ماكوا احد واحسك انت دگـّيت
واطلعلك حلو والبسلك اشكال
ادري اتشوفني بيك اني حسيت
وبكل الشوارع انت الگاك
وعلى الحيطان رسمك لو تعدّيت
واسمك مايفارگ شفتي لحظات
وبنص الگلب احروفه خطّيت
ومن اشتاگلك يانسمة الروح
اشتم بالهوى وبلهفة ضمّيت
واعرفهه الظروفك واعذر الحال
وعنك ياحبيبي ماتخلّيت
ومن طبعي مزاجي وازعل هواي
بس وياك اگولن ماكو ملّيت
ويحبوني شكثر واحسبهم اخوان
بس انت عشگ بحساسي مرّيت
وغيرك أي بشر مايملي العيون
بس انت وغلاتك ماتمنّيت
وانتظرك عمر مو يوم يومين
ومقصر تره مااگول ضحّيت
ونـّـزوج حبيبي نبقة عزاب
ميهمني المهم عندي اني حبّيت
وكل هذا وبعد تسألني الناس
اتحبه وجوابي إيدي هزّيت
من روائع الشاعر الديواني
ضرغام العراقي
**************************************************
