حوار دارمي بين بنت الريف وبنت المدينة
بنت الريف. ..
أهلاً وسهلاً بيچ يمسيره للريف...
بهذا السلف كل بيت يتباه بالضيف...
بنت المدينه. .
عدكم بهذا الريف حلوه الطبيعة
والنهر والأشجار صورة بديعه
بنت الريف. .
كلشي حلو بالريف حتى المحبه
نعيش بمودة وخير والعشره طيبه
بنت المدينه. .
بنت المدينه تعيش مابين العطور
وبأحدث الازياء وبعالي القصور
بنت الريف ....
احنه عطرنه الهيل وبأللبس راضين
وشوفي شحلاة الدار وسط البساتين
بنت المدينه. ...
عدنه الأكل وجبات كل وجبة من لون
وكل واحد من البيت گدامة ماعون
بنت الريف. ...
يتصدر من الريف أكل المدينة
وعدنه لذيذ الزاد من زرع أدينه
بنت المدينة. .
هأليوم أزور الريف باحلى الفساتين
ونتن ولو حلوات لكن مساكين
بنت الريف. .....
ياخيه والعباس بعز وهنه أنعيش
وعدنه الگلوب نظاف مثل الدشاديش
بنت المدينة. ...
بنت المدينة هواي تهوى المظاهر
وتطلب العنده المال بنت الأكابر
بنت الريف. ...
خيه أحنه نهوى الزين وأليستر الحال
وألوفه أبهذا اليوم ماينشره بمال
م ن
**************************************************
