عاكسة وياي الامور
يلي شايف نفسك انته
وتحجي وياي بغرور
ما تدوم الدنيا لاحد
طبع بالدنيا تدور
صح فقيرة احوالي
هسه وعاكسه وياي الامور
لكن اني عيوني شبعت ,
شافت جنان وقصور
ومن تردى الحال بيه
ما زلت عبدٍ شكور
وانته يل فرحان بيها
وبتعب غيرك فخور
جنك انته بنيت بابل
جنك الشيدت أور
يا حديث النعمه كافي
ما ملكت إلا القشور
زادي في مخلابي جبته
وخذت عبره من الصقور
وبالهوى من افرد جناحي
تهرب بسرعة الطيور
نقص ماعاني بحياتي
ولا مرض حب الظهور
اني عنبر لمن اطفا ومن
اوّج مثل البخور
مأمون النطاح
**************************************************
