ادورعـــلى اليشــــــبهـــك
ادور على اليشبهك واحجي وياه
واغمض واحس روحي كمت احاجيك
كل ساعه اغلط باسمك واسميه
واحلف بعد مااغلط واسميك
اليشبهك يبتلي بلوة اني ابليه
مثل ماجنت بلوة اني باليك
اظل من قلبي اطلعله مواضيع
واقراله مثل ماجنت اقريك
واخلي روحي كوة تنجبر بيه
وانه شماكلبتني منجبر بيك
انومه بحضني والوليله واغفيه
بنفس الحضن ذاك الجنت اغفيك
وانت هناك اكول يجوز بردان
واغطي صورتك كل عقلي ادفيك
وانت هناك اكول يجوز جوعان
واغص بلزاد لمن يمر طاريك
شحجيلك ولك شمسوي الفراك
الحجي ميفيد من ترجعلي اراويك
افوت بكل درب ماشي انه وياك
واضل اتخيلك وياي احس بيك
واسولفلك واضحكك على المضى وفات
وارد اعتب عليك ودم ابجيك
واكلك سولف انته شصار ما صار
والجمهن جروحي مااوصيك
واخاف ومااسئلك انت مشتاك
حبيبي براحتك راح اني اخليك
اخاف دكول مامشتاك وشلون
اموتن من فشلتي وانتحر بيك
ومااسئلك عرفت فلان وفلان
هاي اسئله تخوف ليش احجيك
وافتحلك جروحي وشوف الجروح
واذكرك كبل لمن جنت اداويك
واشوفك دمع عيني شرط بس شوف
ممنوع المس لادمعي يجويك
ونرجع ليورة نذكر الفات
وارجع ذكرياتك حت اذيك
تذكر من كتبنه نبقه للموت
على الحايط واذا تهت ادليك
اني شاهد حايط بقه وياي
شجالك انته وعفتني شمالك شبيك
انه انطيتك جروحي وكتلك اختار
قلبك من عفتني شلون ينطيك
شوجازيتني بايام الفراك
وكبل كلتلي اموت وما اجازيك
مااريدانفجرواحجيلك شضام
وعلى دمعة عيونك ليش اوازيك
م ن
**************************************************
