من احسن الابو ذيات الرائعة
ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟
تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه
عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه
غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه
منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه
يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه
لزمت روحك بدية واردأحلها
لأن حبك مشاكل وأردأحلها
بچفية أرگصلها وأردحلها
حرام أتعلعل بأيدك ضحية
أعلى راسي أطبول دك ألوكت **بهداي
أو من عدهن غده ألدلال ** بهداي
زلازل صوت حجل ألترف **بهداي
كتله أدخيل ـ رد شعليك بيه
زماني شلون بلشني **بلاشات
اتعب والتعب ضايع **بلاشات
مثل السرح عد خاله **بلا شاة
يكول الخال هذا ابن اخت ليه
عكب عينه الليالي عتَمنَي
وزماني اِبغفل صبري عتَه منَي
جنت عايش اِخلافك عالتمنَي
أخبرك حتى هاي اِنتهت هيَه
شتلنا اوما طلع عمي ** شتلنا
او على جرف الصبر يمكن ** شتلنا
أشتتأ مل بعد منه ** شتلنا
ونه منه أصبحن كسرين بيه
**************************************************
