روائع الابوذية
قلم كلبي وتداين ورقه منك
لان ماكو بجمالك وارقه منك
اسجلك انت الاول وارقمنك
واكتب لافته محجوز اليه
غاب الكمر من شافك ولاهل
ولغيرك مانزل دمعي ولاهل
مالي دار من بعدك ولاهل
انـــــت الدار والروح اليه
عشرتك روحي صدك ماتملها
وكلبي ايام سعدك ماتملها
اريد انصب الروحي مأتم الها
واشوفك هم تجي وتبجي عليه
اصيح بصوت وانت وياي ردرد
اذا جتك رسالة شوك ردرد
واذا ترحل بعيد وياي ردرد
ترى ردك يرد الروح اليه
الهجر يكتل يصاحب وانت داري
وعليك يخاف كلبي وانت داري
انت أهلي وخوالي وانت داري
انت الدنيا كلها واعز انسان ليه
حـرت شختار غير اني احبك
دخـت ملكيت غير اني احبك
اعيبه الكال غير اني احبك
وعيبك لوتحب انت عليـه
يا ظالم لاتهيج الروح خلها
عساها تموت بعد فراك خلها
لازم ايدي الطبيب وصحت خلها
المرض بالكلب جا شلك بديه
اظل سنين اودك وانت غالي
بعت عمري وشريتك وانت غالي
كل الناس ترخص وانت غالي
غلاتك اغلى من روحي عليه
الك معزوفه من تحجي ولك حس
ولك ذوق شكثر شايل ولك حس
احبـك والله يمعود ولك حس
واطش جكليت من تسأل عليه
حبيبي شلون ماحبك ولا بيك
وامك ماتحن مثلي ولا بيك
عساهن بيه لوعاتك ولا بيك
وحول كل مرض منك عليه
طلع يمشي بخيال البيت شفته
وتشبه لمعة الياقوت شفته
مريض انه ودواي بطرف شفته
ودواها احسن من الدكتور اليه
**************************************************