شعر دارمي عراقي
انته النفس والروح من جسمي قطعه****والكلب لو ينساك من صدري اشلعه
صاير طبع بالناس تنسه اليبعدون **** بس أنا ماأنساك لو تعمه العيون
لاتظن وانتته بعيد ميهمني امرك **** ثق واعتقد بالله كل ساعه اذكرك
الخوه مو بالعدد الخوه رفعه راس يوسف اخوته اثنعش وحسين بس عباس
ألصحبه صحبة موت لتظن اعوفك**ما تدري انه اشلون مشتاق اشوفك
ملح وشكر مخبوط وأشلون أصفيك**بين الجمال أحتار وبين ألوفه البيك
غربلت كلمن جان الخوه راقي**عاينت بالغربيل بس انته باقي
اشكثر عندي إعزاز بعيوني ذني**بس انته اعز الناس حتى اعز مني
لاتظن مثل الناس فد يوم اعوفك**كعبه وصرت للروح كل ساعه اطوفك
هم إنا أهم بالروح وكل همه ببكم **يمته إنا وكتي وياك ينصح واجيكم
لاتخسر السنتات جاوبني ترميش**حبك نبت بحشاي فلشني تفليش
ورطه الزمان اشلون ورطني وياك**لا ادكر أوصل ليك ولأكدر أنساك
لأدكه لاترميش جا شنو فلمك**دزلي رسالة بساع لا امسح اسمك
عذبني هذا الكلب يلهج بذ****م **ودكا ته صارت شعر تلهج بذ****م
يمكم تريد الروح تسكن وترتاح **بس وسفه عل النقال مايرسل أرواح
فشله اليكول احاه من كسر العظام**احاه وجعهن حيل كسرات الأيام
دك روحه ست دكات ونكلب هزاز**نقالي هم شيطان يعرفهم إعزاز
كل الهواتف ترن بس هاتفك مايرن*مدري خلل بالشحن مدري الكلب مايحن
منزلك وسط الروح ياشمعة العين**ومن يخطر يحميك مولانه الحسين
انخاني شوف اشلون راح أنتخيلك**أتعكز اعلى ضلوع صدري وأجيلك
فضلك جبير أهواي وأشلون أجازيك**وردت الله للكلفات سالم يخليك
ياذهب مانساك لو تعمه العيون**ونص أهل بغداد فدوه إلك يرحون
مو بس أهل بغداد الحلة والكوت**خايف عظم فركاك يكطعلي البتوت
بعمري اشتري الطيبين واطلب رضاهم**وأتمنه روحي أتصير نجمه بسماهم
بنيان إلك بالروح ساف اعلى من ساف**والكلب غيرك دوم لأحب ولأشاف
لو راح عطر الورد عطرك يضل يفوح*ولو طال بينا البعد ساكن تضل بالروح
بنيان إلك بالروح بعلو الثريا**كل ما اكرب اعليك تبعد عليه
يالتنشد على الحال حالي إنا تلفان**كلبي من الضيم شيب والإحزان
حاير شحط للروح ومنعها منكم **صبح وعصر وغروب تسألني عنكم
حسدوني عندي اخوان مابيهم احنان**بس بل اسم خوان بلغدر ربحان
اربح وانا الخسران كل البنيته**يم خرب الطيبين صارت وصيته
شامت يشمر النار يكطف عداوه**ماعندي كلشي وياه زاهي بنقاوه
جرح الكبر بحشاي ماضنتي يطيب**جربه وتبدت ماي شيلمهة بجريب
دوشك انا بفركَاك وتغطه خواف**جلبني بالله وشوف يا حلو الاوصاف
يمراوغ من اتكول انا ارد افيدك**والغدر صب نيشان هذا انا بيدك
ياخويه بالله عليك خليني اشيلك**خافن تشيل اعداك وصلت شليلك
يل تستر المكَشوف ومخرب الاوزان** حط لشعر عنوان وجلبه نسوان
ماتت تراهة الناس بس كَلب ينبض**والخوه صارت طين بس حجي اترعبض
فلش بعد الروح كل البنيته**لو فتشت بروح شنهو الجنيته
فتشت وسط الروح ماكو البنيته**خافن خذاه البين لو فلشيته
اشتم نسيم الهاب محلاته طاري**عذيبي ويرد الروح مابيعه شاري
حبلـه إبنَـغَـل وايـام كلـش جريـبات** واليَـمي مو خالات كلهن غريـبات
يم نغَـل لا تبجـين إنستره لو توم**من هذا وتجوزيـن لو حبله كل يوم
اتمنه كرسي وياك وكَعد وحسك**ومرد جلاوي الزين خليني اجسك
متعجـٌب المهموم يشرب جكًًــاره** كًًلبي بكثر ما نـوح تجويـني ناره
همٌـك .. وهم الناس وهم هم الهموم**لو وحده منهن بيـك ماتكًًدر إتكًًـوم
نذرك ياسيد دخيـل نوط أبو الميه** من أفز والكًًه إهـواي غافي إعله إديــُه
الدهر بس وياي راكب إحصانـه** ويكًًلي وين إتروح جدٌامـك آنــه
كًًـلبي أرد أكًًـصٌه إبموس وأجوي إبمكانه**علٌمني إعله درووب كلهن مهـانه
كًًــلبي أرد أكًًـصٌه إبموس وبفاس أكًًطعه**خلُصها بالسختات مالحَك ربعـه
شامت وكًًف عل الباب حاير شـكًًـلٌـه**أرتجي إعله المكسـور لو دمعي إهلـه
إرتجي إعله المكسـور حيل إردس الكًًاع**بالك تذل جدام شمٌاتك إبسـاع
شمٌاتي مو شٌـمات شمٌاتي شمٌات**بالكًًبر ويسألون حي بعده لو مـات
شِمـٌاتي مو شِمــٌات شماتي شرطـه** بالكًًبر ويكًًولــون طلعه أرد أكًًرطـه
شمٌـاتي مو شمــات شماتي إخـوتي**حتى أمي يا هالناس تدعي إعله موتــي
شمٌاتي مو شِمٌـات شماتي تســعه**والعاشر إزغيرون يأشر بإصبعه
الشاعر من ايلوذ بشعر ينخه**يتماطل الجلمات كلبه ويملخه
الشيبه وسط الراس يشامت احجي**هذا البخت براس يسمع ويبجي
بصوت احس خوان خوتهم اصحيح**وبلسان اهم عدوان حربت مجاريح
بلعز اضلاً صيت مرتفع هل راس"** مانزل صدك يوم للخوه ينداس
عكلي الشرف يا صاح والكلب غتره**جلبني يابن الناس عاشك العتره
جربت اخوي وصاح مكدر اعينك**جا كلي هل عدوان شتكول اصينك
طك صبري ما مليت بكلاس انا افتر**وبحلك اليسب الزين شربت تفتر
الهضم موش اليوم بلكتب مختوم**ومسجل بذرعان شمتت بلنجوم
سمجه انا عد صياد بزهر مصيود**يحركني بنيران وعضامي الوكود
يامن يطم الروح كلش وكيحه**ذلوهة وسفه وعيب صارت ذبيحه
اوهة امداهة الروح خاوت حيايه**تلدغ اكبال الناس كشفت الغايه
مذموم ارد عليك اسكت وكشفك**لناس اعصرك ثوبك بيدي ارد انشفك
الخوه ماتراد صارت عداوه**التمو عليه اليوم كلهم شقاوه
مجبور اطيب الروح وصرخ ونه اسعر**جرحك غميج وياي يلصرت تشعر
ماضحك سني بيوم خلصت بلهموم**وهذا انا هسه وياك ياخويه مهضوم
تحياتي
**************************************************
