فيصل الكناني
عضومتقدم
علم الدولة : 
رقم العضوية : 21
الجنس : 
تاريخ التسجيل : 20/09/2008
عدد المساهمات : 12754
نقاط : 24490
تاريخ الميلاد : 07/04/1960
العمر : 64
الموقع : العراق
العمل/الترفيه : سأل الممكن المستحيل : أين تقيم ؟ فأجابه في أحلام العاجز
الجنسية : عراقية
المزاج : من يحب الشجرة يحب أغصانها
الاوسمة : 
 | | موضوع: المواقف تفضح كثير من اصدقاء المصالح الأحد 5 مايو - 17:31 | |
| المواقف تفضح كثير من اصدقاء المصالح
يكولون
اكو شاب عنده عمام وخوال واصدقاء خير من الله
يومية مسيرين للمضيف من العشة لنص الليل سوالف وهزليات وضحك وشقة وياكلون ويشربون كله برأس الشاب وكل أمثالهم ينتقصون بيه الشيوخ المعدلة وأهل كبل والمعدان وأهل العكل
ابو الشاب شيخ وقر وعاقل ومعروف مل من هاي السالفة
يوم من الايام كعد هو وابنه وسأله..شتكول لو نجرب ربعنه
قبل ابنه واتفقوا على تجربة الجماعة على العادة سيروا ..مثل ناكوط الحب ..ولمن اجة آخر واحد وشربوا الجاي
الولد سوه روحه كلش ضايج ومهموم وما يسولف وصافن سألوه ...ها خوية .شبيك اليوم
گاللهم والله اليوم الصبح اتعاركت اني واخوي هناك يم خوالي بالعرب وكتلنه منهم زلمه واحد وقبل ساعة مات بالمستشفى. وهسة خابروا جايين فزاعة واني تدرون ماعندي غير ابوي رجال شايب واخوي
الجماعة كلهم سكتوا واخذولهم صفنة وكاموا كل واحد يطلع عذر ويملص اخير شي ضل وحدة ورجع لابوه
گال ها بوية شفت ربعك ؟ جم مرة كتلك ذولة مال ثريد وسوالف وضحك
ثاني يوم الشايب ودة طارش لصديق قديم شايل قبل عشر سنوات
الصبح اجة صديق الشايب على فرس والتفكة بظهرة وبنته راكبة وراه اول ما وصل طفر من ظهر الفرس وشبك صاحبة
كالة ابشر ابو فلان ..اذا شغلة مكاون اني وتفكتي وفرسي فدوة الك واذا شغلة فصل هاي بنتي وهاي فلوسي كلهة جبتهة جوه فداك
اتشكر منه الشايب والتفت لابنه
گاله بوية اني عندي بس هذا الصديق ...كم واحد بربعك العافوك مثله
الشاب ظل منزل راسه ومستحي وطلب السماح وجر اذنة
رباط سالفتنه
المواقف تفضح كثير من اصدقاء المصالح
وعلى الإنسان ان يتعظ ويختار الصديق الزين
************************************************** | |
|
سومري
عضومتقدم
علم الدولة :
رقم العضوية : 16
الجنس :
تاريخ التسجيل : 12/09/2009
عدد المساهمات : 4956
نقاط : 7566
الجنسية : عراقية
| | موضوع: رد: المواقف تفضح كثير من اصدقاء المصالح الثلاثاء 11 فبراير - 16:43 | |
| رائع بمواضيعك
لك تحياتي
************************************************** | |
|
