صنته اولايتي ووحشه الدرابين
صنته اولايتي ووحشه الدرابين
وملج الموت يم بيبانها يبات
وخنكه بيوتتنه وبس الحيطاين
وبده صوت الاسعاف يفزز الذات
حضر تجوال والوادم مساكين
خوف تموت من تسمع بشر مات
الوكت لملم علينه وين التهين
ابنادم ياعلي وتشبعه صكَعات
يمك مااضن عدلين؛؛ميتين
علي بثنينهن صاير صعوبات
لانكدر نجيك واحنه عدلين
ولاميتين ونجيك اعلا خشبات
اختلفت وانكلب جِفت الميازين
ووصلنه الزمان لهيج مئسات......
نغمك لليموت الكاع للطين
بهيمه ومو هله يدفنونه الاسوات
لا ام التنوح ولا ام ارجلين
التزفلها ابكًفه التابوت جيلات
ولاصاحب يشيعه ولامحبين
يشعلون البخور اعلا الترابات
دخليك يالبديك العاصيه اتلين
علج بحلوكهن صرنه المعصيات
نافع الغانمي
**************************************************
