زكي
عضومتقدم
علم الدولة : 
الجنس : 
تاريخ التسجيل : 06/07/2010
عدد المساهمات : 5670
نقاط : 9147
الموقع : العراق
الجنسية : عراقية
 | | موضوع: معقوله الهجر مادگ عليك الباب الثلاثاء 11 مايو - 21:34 | |
| معقوله الهجر مادگ عليك الباب
يسمعونك حجي عود اني ما اهواك؟ ؟
على عناد أليسمعك كوووومة أحبك
.................................
.............................
اجــه الـعيد شعجب لليوم ماجاي
احــنـا نــريد جــيـتــك مــانـريــده
.................................
.............................
عايدت ناس هواي وبكلبي غصه
بس عزلت بوسات مني الك حصه
.................................
.............................
راح اكتب احبك عالهدوم العيد
حتى اكسر خشوم الي حجو عنك
.................................
.............................
مايحلى هذا العيد اله ابجودك
جا المن معيدين غير اعله مودك
.................................
.............................
على بالي تمر كاس واحيرن بيك
اشربك لو اصفنك بثنينهم اسكر
.................................
.............................
اجة شــامت يعايد تعرف شكاال؟
كل عااام وحبيبــک ماکو یمــــگ
.................................
.............................
حرت بيش انتحر من فكرت بالــمـــــوت
مدري اشتاكلك مدري اكطع انفاسي !!
.................................
.............................
على كيفي احبك مو احبك حيل
شويه شويه احبك خـــاف اتخبل
.................................
.............................
معقوله الهجر مادگ عليك الباب
وما كلك العفته الهسه ما نايم
.................................
.............................
جرحي الگااام يتشمت بيه بجفاك
يهز ايده ويكول الواعدك وينه...
.................................
.............................
من الباب اجيتك ليش ماجيت ؟
مو طبعك تموت اعله الشبابيك
.................................
.............................
شايلها اعله متنه ويمشي بالسوك
يكول اشلون اذبها وهيه شالتني .
.................................
.............................
جاي تكَلي حبك عاش لو مات
وانه مسوي ثواب لعشرتي وياك
.................................
.............................
اريد اكتب عراق بدون تفجير
اصفن. عالقلم يطلع مفخخ
.................................
.............................
أني الخاطر حبيبي اشـــــــكال سويت !!
بس ياحيف التعب طلعت كاله ما تسوة
.................................
.............................
يالفاركتلك محب فركة مطر للغــــــيم
العيد اجاك استعد كل عام وانت بضيم
.................................
.............................
عليك الناس تسألني واسكت ماأرد اني
يعني شلون تقبلها أكلهم راح وي ثاني.؟
.................................
.............................
عليمن جاي تسأل عن الاحوال ...
الحمد لله بغيابك حيل تعبااااااان
.................................
.............................
مو ذمه بركَبتك .. لا اثر بــوســااااات ..
شفتهن واستحيت الذمه اخليهــاااا !!
.................................
.............................
يلتنشد على الحال ضاگت فرد نوب
ساترني بين الناس.. خلف الله عل ثوب
.................................
.............................
كلتلهم رجع ثق زعلوا الشمات ...!!
ومن سمعوا جذب طشولي جكليت!!...
.................................
.............................
تره الشمات كلهم مثل الافلوس!!!
وصخ دنيا وحسافه اندوخ بيهم
.................................
.............................
عليمن جاي تسأل عن الاحوال ...
الحمد لله بغيابك حيل تعبااااااان
.................................
.............................
اني عندي سوالف غزرن ببليس
وبالي احبهم ما غزرت كلمة ..
.................................
.............................
اذا ميت احساسك كلي حتى ارتاح
عليمن بعد شاغل فكري بس بيك
.................................
.............................
ﻣـﻦ ﯾـﻮم اﻟـﺮﺣﺖ واﻟـﻜَﻠﺐ ﻇﻞ ﻣﻬﺠــــﻮر
ﺑـﯿـﺖ وﻏـﺎﺑـﻮ أﻫـﻠـﻪ ﻫـم ﺗﻈﻦ ﯾﻨﻔــــــﻊ
.................................
.............................
يشوفوني ملك حقهم يغارون
لأن انتة ضلعي وهذا يكفيني
.................................
.............................
تدري شلون افكر بيك مرات
مثل صفنه يتيم بصورة امه
.................................
.............................
الوقت عندك ثمين مقدرك حيل
خف ايدك اطعني واحنه ماشين
.................................
.............................
اخو امي الحزن وشلون امحيه
وثلثين الولد يطلع على الخال...
.................................
.............................
إذا شفتك تـجـي .أركض أشبكك حيل
واصيح بصوت بـوويـه تـمـوت الفرگـه~
.................................
.............................
مو شرط الحجاب يقيس النسوان،،
اكو مشية ثگل تسوه الشرف كله
.................................
.............................
شعري بغيبتك طولته للرجلين
حتى اندم عليك ابكد شعر راسي
.................................
.............................
ياعمـي مو مغـرورة بس طبعـي راقيه
مو بيدي .. ربك هيج سوه العراقيه ..
.................................
.............................
مو بيدي اعوف هواي وحده واخليه،،،
ياهو اليشيل الضيم عنه ويسليه
.................................
.............................
الفـــاس شكـــد خسيس وناكر الطـــيب...
ايـــده من الخشب ويكطـــع الشجـــره....
.................................
.............................
هم شايف زعل قبل اللقاء يصير …??
هذا أغرب زعل وياك بس شفته
.................................
.............................
راح أرفعك ياعلم عالراس تاج
وأليحبك ياوطن يكتب عراق
.................................
.............................
ليــسَ كُــلْ هَــادئ خَـآلِــي آلـبَـــآل,,,,
فَـفِي الهُــدوء آلــم لا ينتهــي ..!
.................................
.............................
شلتك عالسمه و عليتك اعله الــــروح ..
وخليت اليحبــــك يحلـــم يلوووووووحك !!
.................................
.............................
ضاع الربع مني بقيت مقهور
بس من ضعت انت كلت فدوة
.................................
.............................
ﻛﺘﻠﻚ ﻣﺮ ﻋﻠﻲ ﻣﻮ ﻣﺮ ﺗﺼﻴﺮ ﻭﻳــــﺎﻱ
مسائكم معطر بعطر الورد يا اصدقائنا
.................................
.............................
البساتين اشكبرهه وتكشخ بعصفور
على المضهر ابنادم غلط لو قسته
.................................
.............................
عفتــني إنـــت مثـــل جثـــــة بوســط صحـــراء
و مــو غربــان إجــت .. شمــات فـــوگي تحـوم
.................................
.............................
على فراكك بعد ماتبجي العيون
ماي العين انته وفاركتني
.................................
.............................
بتقاطع عيني الك سويت تمثال
ازدحام بعيني من كثر اليصفنون
راقن لي ، منقول
************************************************** | |
|
انوار
عضومتقدم
علم الدولة :
رقم العضوية : 8
الجنس : 
تاريخ التسجيل : 04/04/2009
عدد المساهمات : 5760
نقاط : 11263
الموقع : ارض الرافدين
الجنسية : عراقية
| | موضوع: رد: معقوله الهجر مادگ عليك الباب الإثنين 7 يونيو - 21:05 | |
| بارك الله فيك على الموضوع القيم والمميز
وفي انتظار جديدك الأروع والمميز
************************************************** | |
|
زكي
عضومتقدم
علم الدولة :
الجنس :
تاريخ التسجيل : 06/07/2010
عدد المساهمات : 5670
نقاط : 9147
الموقع : العراق
الجنسية : عراقية
| | موضوع: رد: معقوله الهجر مادگ عليك الباب السبت 27 نوفمبر - 18:32 | |
| شكرا لك اختي اسعدني مرورك واعجابك
بالموضوع زادني سعادة
************************************************** | |
|
