فيصل الكناني
عضومتقدم
علم الدولة : 
رقم العضوية : 21
الجنس : 
تاريخ التسجيل : 20/09/2008
عدد المساهمات : 12754
نقاط : 24490
تاريخ الميلاد : 07/04/1960
العمر : 64
الموقع : العراق
العمل/الترفيه : سأل الممكن المستحيل : أين تقيم ؟ فأجابه في أحلام العاجز
الجنسية : عراقية
المزاج : من يحب الشجرة يحب أغصانها
الاوسمة : 
 | | موضوع: سالفة اليگدر الها موش ياهو الچان الإثنين 8 نوفمبر - 20:00 | |
| سالفة اليگدر الها موش ياهو الچان
في مظيف شيخ احد عشائرنا الاصيلة سال الشيخ ضيوفه منو بيكم مسوي مروة
فقال احد الحظور كنت ماشي لاهلي وبالطريق شفت طفل يغرگ بنهر يجري يجرف والوادم واگفة تخاف تنزل تطلع الولد الغرگان ..فضربت زرگ بالنهر وطلعت الولد وانقذته من الغرق
..قال الشيخ هي شجاعة وليست مروة
_ فوقف رجل اخر من ضيوف المضيف وقال شيخنا يمكن اني المسوي مروة ...گال الشيخ سولف
فقال الرجل كنا وانا وام البيت گاعدين ننتظر الاولاد وگدامنا الزاد مصبوب حتى نتعشى واذا بطارق يطرق الباب فخرجت عليه وقلت ما حاجتك ايها الطارق فقال منذ ايام اني وعيالي ما ضايگين الزاد..
يگول صاحبنا شلت صينية الزاد مال بيتي وعيالي من گدام ام البيت وانطيتها للسائل ...
فجاوبه الشيخ هاي سالفتك مو مروة هاي كرم
فقام رجل اخر بمضيف الشيخ وگال شيخنا يمكن اني مسوي مروة
فگال الشيخ سولف للمضيف سالفتك
....فقال الرجل ...اخوي انقتل والقاتل هرب وظليت سنين اركض وراه اريد اخذ ثار اخوي ...وبيوم من الايام أجاني طارش گال كتال اخوك في فلان بلد فيقول ركبت فرسي الكحيلة وشلت البرنو بيدي والسيف بحزامي ومشيت على المكان الدلوني عليه فيگول ولگيته نايم جوة صريفة وچان اخلي السيف على راسه وگتله اگعد يالمطلوب النا اليوم اذبحك بدم اخوي گاصد
فجاوبني المطلوب ...اي والله حقك والثار ثارك بس عندي اطفال صغار تركتهم وراي من غير معيل
وانت ومروتك تريد تذبحني بدم اخوك تريد تعفي عني
فيگول ...فكرت بسالفة اطفاله من ايعيلهم اذا ذبحته...وگتله روح لعيالك اني سامحتك بدم اخوي الخاطر فروخك الزغار
وگلت يا شيخ هاي سالفتي
فقال الشيخ للخطار بمضيفه هاي المروة ومو ياهو الچان يكدر عليها
................ ....... .
رباط السالفة
الزينة والكرم والمرؤة والشجاعة
والتسامح
مو ياهو الچان يگدر عليها
وما يكدر عليها الا اهلها --------------------------
وهذه القصيدة المنقولة تبين مواصفات الشيخ
مو شرط لازم يگولولك هايشيخ.
صير غانم صير بطباعك سلس.
الشيخه يعني تصير بفعالك چبير.
موچبير بحجمك وگلبك نحس.
الشيخه تنزل دون ربعك باحترام.
وربعك يشيلونك وتصبح شمس.
صير شمس ولاتحت صوب الظلام.
العاش ظلمه منتجل بس عالمس.
الشيخه عز دوم خل نفسك عزيز.
لجام عفه يكون بعنان النفس.
ولاتسير اجدامك لباب اللئيم.
وابد لاترجاه لو تأكل علس.
الشيخه منصب زاد فوگاه الوقار.
واتعض ماتاخذ الشيخه بلبس.
احترام المرء ماياتي بلباس.
الشيخه عكس الكشخه ياشيوخ اللبس.
موشرط لازم يگولولك ياشيخ.
اليوم شيخ وانت ماعندك امس.
وامس چم شيخ ماصان الوصاه.
خان ربعه وبدل اصحابه بفلس.
وتدري چم ناطور غمض بالنطار.
وباگ منه واحنا خليناه حرس.
الشيخه تنطي ادروس للواجف اوياك.
شلون انته استاذ وتغش بالدرس.
الشيخه حظك سولفه وراعي البخت.
وحاچي ربعك بالكلام ولاندس.
الندس فتنه وتاليها الدمار.
وهذا يوم الضرب اجمع بالاسس.
الشيخه يعني اتجود بالروح العزيزه.
جواد يوم الضيج جادو بالنفس.
جواد انطو بالغوانم كالحصاد.
جواد للمعتاز ينطون الجدس.
الشيخه هذه انچانك تگدر تعال.
وان چان ماتگدر عليها اترك وبس.
************************************************** | |
|
لؤلؤه
عضومتقدم
الجنس : 
تاريخ التسجيل : 22/12/2009
عدد المساهمات : 3580
نقاط : 5744
| | موضوع: رد: سالفة اليگدر الها موش ياهو الچان السبت 13 نوفمبر - 12:33 | |
|
جزااااك الله خيرا.. على هذا المجهود الرائــع..
بــارك الله فيــك على الموضـــوع ..
************************************************** | |
|
فيصل الكناني
عضومتقدم
علم الدولة :
رقم العضوية : 21
الجنس :
تاريخ التسجيل : 20/09/2008
عدد المساهمات : 12754
نقاط : 24490
تاريخ الميلاد : 07/04/1960
العمر : 64
الموقع : العراق
العمل/الترفيه : سأل الممكن المستحيل : أين تقيم ؟ فأجابه في أحلام العاجز
الجنسية : عراقية
المزاج : من يحب الشجرة يحب أغصانها
الاوسمة :
| | موضوع: رد: سالفة اليگدر الها موش ياهو الچان الخميس 25 نوفمبر - 18:12 | |
| كل الشكر لكـِ ولهذا المرور الجميل
الله يعطيكـِ العافيه يارب
خالص مودتى لكـِ
************************************************** | |
|
