العراقي عضومتقدم
علم الدولة : رقم العضوية : 9 الجنس : تاريخ التسجيل : 23/11/2008 عدد المساهمات : 5179 نقاط : 8875 الجنسية : عراقية
| موضوع: (الماتريده الروح كشمرته بلوه *** مثل اليصعد الماي كوه اعله علوه) السبت 22 يناير - 19:59 | |
| (الماتريده الروح كشمرته بلوه *** مثل اليصعد الماي كوه اعله علوه)
رجال جان متزوج بت عمه بس جانت مره مو ام بيت بس هو يحبها موووت بالرغم ماتعرف تطبخ وجانت بالصيف ماتفرش الفراش من المغرب حتى يبرد ولاتترس التنكه ماي من وكت حتى يبرد الماي ، أمه كالتله ( يمه هاي مو خوش مره طلكها أنت تعبت وياها وآني أزوجك وحده أم بيت معدله)
، طلكها وهو بعده يحبها وأتزوج وحده نظيفه معدله وتحبه بس هو مايحبها ، كام يدور حجج عليها حتى يخلص منها و يطلكها فد يوم جابلها سمجه الصبح وكاللها هاي من اجي من الشغل اريدها حاضره للغده ، هي هم شاطره وذكيه كصكصت السمجه قطع سوت قطعه مشويه قطعه مكلايه قطعه على مركه يعني طبختها اشكال هوايه لأنه عرفت طبعه، أجه من الشغل وهي كامت صبت الغده جابتله اول شي المشويه جان ايكوللها ( كون هسه هاي السمجه مكلايه )جابتله المكلايه جان ( كون هسه على مركه جان اطيب ) وهما جابتله الي طلبه، ظل يتحجج عليها بس هي تعرف طبعه وجانت متحضره لكل شي ، المهم صار الليل وراحو ينامون جان أيكول( تمنيت ليله من ليالي بنت عمي فراش دافي وتنكه يم راسي تصلخ الواحد صلخ) لأن بت عمه الكسلانه ماتفرش الفراش من وكت والتنكه من كد حرارة الماي الي بيها عبالك كيزار بس الحب أعمى، هي كل هذا والمسكينه مافكت حلكها تعرفه ايريد يتحجج عليها جان يصفن اشويه ويسألها على النجوم هذا شنو كالتلها هاي الثريا هذني بنات نعش ( هم خبيره أجماله بالفلك أم حظ المصخم) الى أن وصل لبرج الميزان جان يسألها عليه جان أتكوله هذا برج الميزان جان يكوللها ( هاي أنتي فارشتلي فراشي جوه الميزان حتى الملايكه من يوزنون ذنوب الودام اتطيح عليه العيارات أمشي لج أنتي طالك) وطلكها
************************************************** | |
|
ناصر عضومتقدم
علم الدولة : الجنس : تاريخ التسجيل : 07/01/2022 عدد المساهمات : 243 نقاط : 311 تاريخ الميلاد : 01/07/1955 العمر : 69 الموقع : العراق الجنسية : عراقية
| موضوع: رد: (الماتريده الروح كشمرته بلوه *** مثل اليصعد الماي كوه اعله علوه) الأحد 23 يناير - 18:20 | |
| دائما متميز في الانتقاء سلمت على روعه طرحك
************************************************** | |
|
العراقي عضومتقدم
علم الدولة : رقم العضوية : 9 الجنس : تاريخ التسجيل : 23/11/2008 عدد المساهمات : 5179 نقاط : 8875 الجنسية : عراقية
| موضوع: رد: (الماتريده الروح كشمرته بلوه *** مثل اليصعد الماي كوه اعله علوه) الإثنين 21 فبراير - 19:38 | |
| أج ــمل وأرق باقات ورودى لردك الجميل ومرورك العطر
************************************************** | |
|