سامح عضومتقدم
علم الدولة : الجنس : تاريخ التسجيل : 10/06/2010 عدد المساهمات : 2565 نقاط : 4666
| موضوع: قيم الركاع من ديرة عفج الثلاثاء 1 مارس - 19:14 | |
| قيم الركاع من ديرة عفج
يحكى ان اسكافياً من بغداد استقر في بلدة عفك في الجنوب العراقي رغبة في تغيير احواله المادية عندما سمع بعدم وجود اي اسكافي هناك. ولما فتح دكانه الجديد في عفك يملؤه الامل في الثراء السريع استقبله الناس بالمودة والترحاب, ولكن بمرور الايام اكتشف خلو دكانه من الزبائن اللهم الا من جاء ليستعير شيئاً فهذا يريد مسماراً وذاك يريد صمغاً والاخر استعار الجاكوج ليستقر به الحال بدون اي معدات وبدون اي مال في بلدة عفك التي كان جل سكانها من الحفاة (وهذا يفسر عدم حاجتهم الى اسكافي !!)
قيم الركاع من ديرة عفج... بهذه المقولة الساخرة هاجم ملا عبود الكرخي برلمان العهد الملكي واعتبره مثل دكان صاحبنا الركاع في عفك , مشروع فاشل كان المنتظر منه ان يكون بداية لترسيخ اسس الديمقراطية والحضارة في بلاد الرافدين والمدافع عن حقوق الشعب ليصبح وكراً يضم السراق والانتهازيين واصحاب السوابق البعيدين عن الوطنية والمتسترين برداء الدين
رحمك الله يا ملا عبود .. قصيدتك ذات الخمس وسبعون عاماً توصف لنا بدقة نوابنا في برلمان اليوم, كأن التاريخ يعيد نفسه وكأن الانتهازيين والحرامية ما زالوا نفسهم في العراق الجريح
اجلس يا ملا عبود ... واشرب وياية استكان شاي وخل نسولف شوية ...الظاهر همك نفس همي ومشكلتك مثل مشكلتي وبرلمان ايامك مثل برلمان ايامي... نفس الوجوه ونفس النفوس الجشعة
ابكي يا ملا عبود ومن حقك ان تبكي ... 75 سنة مرت ولم نخطو اي خطوة نحو الامام 75 سنة ونحن نرجع الى الوراء بينما يتقدم الاخرون 75 سنة مرت ونحن نحكم من قبل الجهلة بينما تضطهد النخبة المثقفة المتعلمة
ابكي يا ملا عبود العراق احتل المرتبة الاولى وبكل امتياز في الفساد الاداري وعاصمتنا اصبحت اقذر عاصمة في العالم نوابنا الكرام يتصارعون على الكراسي والمناصب وادواتهم هي المفخخات والاغتيالات ونشر الطائفية والكراهية ابكي يا ملا عبود لأن الشعب يتبع المجانين وينتخب المجرمين ابكي يا ملا عبود .... وتنسب القصيدة للشاعر سامي عبد المنعم المغترب في المانيا
قيّم الرگاع من هاي اللحى تشوفه هيبة وعنده لحية مسرّحه يشتم بلا خجل وبلا مستحه من يحس المقعد شويه اندحچ قيم الرگاع من ديرة عفچ
برلمان اهل المحابس والمدس عگب ماچانوا يدورون الفلس هسه هم يرتشي وهم يختلس ولو نقص من راتبه سنت انعقچ قيم الرگاع من ديرة عفچ
اتشوف واحدهم معمّم بالوقار وبالاصل تاريخه أسود كله عار بضرف ثلث اسنين مليونير صار يريد عالوادم يعبّرله چلچ قيم الرگاع من ديرة عفچ
گمت ما اعرف حماها من الرجل ياهو التكضه هو يمثل العدل وگمنه نستورد الشلغم والفجل لان كلها ضلت اتدور ودچ قيم الرگاع من ديرة عفچ
والله ضيعنا الصدگ من الچذب تشوفه هيبه وحچيه المصفط عذب ياخذك ويردك بشرق وغرب وبسچاچينه يدچك حيل دچ قيم الرگاع من ديرة عفچ
حيل دوخني الحچي الماله ربط وصار عندي سكر وحصبه وضغط نفترش عاگول ونتغطه بحسچ قيم الرگاع من ديرة عفچ
گمت ما اميز الذيب من الحمل منين ما التفت گلبي يشتعل آنه ما شايف شعب يتبع خبل شاب راسي وتيهت كل السچچ قيم الرگاع من ديرة عفچ
يا حكومتنه الرشيده ام الوقار الفساد المالي عنوان الچ صار ندري جابوكم بدبابه وقطار ليش ضليتوا سمچ ياكل سمچ؟ قيم الرگاع من ديرة عفچ
لازم انميز الزين من الزلم وننتخب كلمن شهم صاحب علم ونرفض اللي يجي كل يوم بفلم من يشوف المنصب شويه اندرچ قيم الرگاع من ديرة عفچ
............................ منقول
ملا عبود الكرخي | |
|
العراقي عضومتقدم
علم الدولة : رقم العضوية : 9 الجنس : تاريخ التسجيل : 23/11/2008 عدد المساهمات : 5179 نقاط : 8875 الجنسية : عراقية
| موضوع: رد: قيم الركاع من ديرة عفج السبت 5 مارس - 12:28 | |
| تسلم الانامل الرقيقة والذوق الرفيع الابداع والتميز من منارة هذا المنتدى دائما اجد في مشاركاتك فائده
************************************************** | |
|