حوار بين العاشفين

هو:
عليّ ثوب الونـين اشكثـر .. حالي
شباب وهل شبت مـن دون .. حالي
انشدچ على احوالچ مثـل .. حالي
طايح والهموم اتشيل بيـه

هي:
هموم هواك ما خلن .. علي حال
فريضة وحبك من الله .. علي حال
يالتنشد على حالي .. علي حال
شيفيد النشد علي صار بيه

هو:
الج بس انتي گلبي .. ورجيته
ودمع العين يمـچ .. ورجيته
ابتعد كلمن نخيته .. والرجيته
ولا واحد اجاني وحـن عليه

هي:
رعيتك ليش گلبــك .. ما رعاني
ويهمك فت دليلـي .. وما رعاني
مره احبس بدمعي .. ومره اعاني
ومره اتطيح روحي ابين اديه

هي:
هجرك ياولف صايـــر .. بلا حد
مثل سيف اليگص رگبه .. بلا حد
رحت وآنه انتظر ترجـع .. بالاحد
اجه الاحـد ويمتـه اتعود اليه

هو:
احد سچين صبري وچــن .. ولاحد
التفت وما شفـت ربعي .. ولا حد
شچم سبت اليمر بيــه .. والاحد
اجي بس شوفتچ تصعب عليـه

هي:
لتهم بالعمر خلصـــان .. وحـــــده
وأنا ضعني سرى بالهــــوى .. وحــــــده
حلت جنها بعيونـك غير .. وحـــــده
وگمت لاتسأل ولاتمـر بيـه

هو:
غيرچ ماحلى ابعينـــــي .. ولاطاب
ولا دونچ دخل گلبــــــــــــــي .. ولاطاب
يجرحي وياچ ماهَّــــــــــــود .. ولاطاب
دم ينزف ولا تدريــن بيـه

هي:
محبتك تجري وي روحي .. ويدماي
وعليك انشلت اعظامي ..
ويدماي
انچويت أبأيد أنا ناري ..
ويدماي
ولكن مـن يطابگهـن سويـه

هو:
عليچ الروح راحــــت .. من يردهه
أوكيحه اهمومي صـارت .. من يردهه
خطيه الروح ملـــــت .. من يردهه
لأن بس الصبر لبس العليـه

م ن ق و ل

ابيات ابوذية
رائعة جدا تسلمين الاخت عبير
واجيبك بهذه ابيات من الدارمي

من كلشي اغار عليك
وكلبي ينهار
وي غيري شفتك يوم قلبي اشتعل نار

اذا وي غيري شفتك يوم احترك كلي
حقي من اغار عليك بس انت خلي

من عندي اغار عليك من كل العيون
مو بس احبك موت بيك انا مجنون

منك اغار عليك بس انت همي
وانت بقصد يهواي تحرك بدمي

مو شك ابد والله بس انت تدري
غيرك فلا حبيت يابعد عمري

مع

تحياتي

**************************************************

حوار بين العاشفين %25D8%25B5%25D9%2588%25D8%25B1%2B%25D8%25A7%25D8%25B3%25D9%2584%25D8%25A7%25D9%2585%25D9%258A%25D8%25A9%2B%25D9%2585%25D8%25AA%25D8%25AD%25D8%25B1%25D9%2583%25D8%25A9%2B-%2B%25D8%25A7%25D9%258A%25D8%25A7%25D8%25AA%2B%25D9%2582%25D8%25B1%25D8%25A2%25D9%2586%25D9%258A%25D8%25A9%2B%25D9%2585%25D8%25AA%25D8%25AD%25D8%25B1%25D9%2583%25D9%2587%2B%25D8%25AC%25D8%25AF%25D9%258A%25D8%25AF%25D8%25A9%2B-%2B%25D8%25B5%25D9%2588%25D8%25B1%2B%25D8%25AF%25D9%258A%25D9%2586%25D9%258A%25D9%2587%2B%25D9%2585%25D8%25AA%25D8%25AD%25D8%25B1%25D9%2583%25D9%2587%2B%25D8%25B1%25D9%2588%25D8%25B9%25D9%2587%2B-%2B%25D9%2585%25D8%25AF%25D9%2588%25D9%2586%25D8%25A9%2B%25D8%25A8%25D8%25B5%25D9%2585%25D8%25A9%2B%25D9%2586%25D8%25AC%25D8%25A7%25D8%25AD

ليش اسـتعجلت شـيردَّك اردود
إِلِي وَضِّح سفرتك وين ماوين
جرح بيّه اعله كدك ينزف جروح
أرضعنّه ملح وأفرشله سجين
محبتك بالكلب بسـمار مدكوك
أشلعه شلون إذا يترك نياشين
يديوان الأدب موكلمه تنكـال
حقيقة أواضحه الكل العناوين
وإذا رحت وأخذت وياك إلِدْلال
جا شنسوي عكبك بالفنـاجين
طين كلوبنه ودايسهه ممشـاك
وشيمل الأثر من لوحت الطين
شذبَّك عالمكابر وانته بسـتان
فرق بين المكـابر والبسـاتين
صارت من صدك شيرجِّع الراح
بُقَت بس القُطَع فوك الحياطين

دائما متميز بردودك ..وتضيف عطر التميز اخي المارد

انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك

ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتـمســك زيـن اعصـابـك

تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احبـابـي واحبـابـي هـــم احـبـابـك

وش الــي غـيـرك فجـأه تكـلـم واذكــر الأسـبــاب
انـا بسمـع كـلامـك زيــن وبسـمـع زيــن اسبـابـك

رغـم كـل الخطـاء منـك فوجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي ابـوابـك

رخصـت الغالـي لعيونـك حنيـت لخـاطـرك ارقــاب
رضـيــت احنـيـهـا ارقـابــي ولا تحنـيـهـا ارقـابــك

كفايـه تمتحنـي هــم وخــل مــن ذم فيـنـي وعــاب

ترى من عاب في غيـرك ولـو طـال الزمـن عابـك

ولا تفكر في يـوم انسـاك او يشغلنـي عنـك غيـاب
انــا اتنفـسـك اهــواك وفـيــك امـــوت واحـيـابـك

انـا مـا شـوف احـد غيـرك جمـيـل بفـتـنـتـه جــذاب
انـا إعجـابـي فيـك اعمـى يفـوق اعجـاب اعجـابـك

حوار بين العاشفين Ba71bf2b96

مشكورة اختى على هذه الكلامات

الجميلة دمتى بكل خير

حوار بين العاشفين 4

**************************************************
إلهي ....

أنت قهارٌ حليمٌ..
بحقك منك يا ذخري أعذني...
إلهي ليس إلا أنت ربي فلا أبداً بغيركـ تمتحني ..

إلهي إنني أخشى وأرجو أمانا منك فأمنن لي بأمني..
إلهي قد رجعت إليك عما سواك فلا إلى غيرٍ تكلني...

عطش كَـلبي الشوفتك يمته لينه تعود
ويمته ابشوفتك تتكحل العين
صبرنه وساهرينه والدموع شهود
وعلى نار الجفه نتكلب سنين
يها المبعد تعال وكافي بينه اتجور
عكب عينك يتامه احنه ومساكين
غيابك طال يمته اترد يمهيوب
ليالي جفاك اصعب تره من البين
و حكك ما بعد نتحمل الاه
وعبرات الدمع رون بساتين
عطشنه الشوفتك حد شهكت الموت
و اسمك بالنفس يصعد رياحين
رك شوف النواظر وانت عني بعيد
و حساب النجم اثر نياشين
انشتل كَـلبي عله بابك ناطر وناطور
و بعد ماظل صبر حد الصبر وين

التميز عنوانك ياهمس كمرنا .. ونورالقمر يسطع على متصفحاتي
كل كلمات الشكر والتقدير والعرافان لاتوفي بحقك عزيزتي قمر
ابيات روعة كناقلتها وذوقها الرائع

زائر

شكرا لكي اختي عبير ويعطيك الصحة على الابيات الشعرية الجميلة
كما نتمنى لكي اوقات ممتعة وايم سعيدة براك الله فيك وتقبلي مني

هذه الابيات الكلمات التىي اتمنى ان تنال اعجابكي

حوار بين عاشقين فرق قلبيهما بعد المسافة وحكم الظروف، واحد في الشرق
والاخر في الغرب.
كتبت برسالة اليه بعد ان أخذ منها الشوق واللهفه واللوعه كل مأخذ تشكو فيها
مرارة ماتعيشه من الالم والعذاب من جراء الابتعاد الاجباري ،،،،،

يانجم مسائي المشع بنوره ،،،،، ويا لحنا عزف على
اوتارعمري
بعـــدك عـني اشعل ارقي ،،،،، واغرقت اللـــيل بســيل دمـعـــي
فكيف احـيا بدون وصـالك ،،،،، وكيــف يـعـود النـبض في قـلــبي
فالحال عسر ترتجي الــيسر،،،،، متـى هــذا الــهـم عـنـي يـســري

وصلت إليه الرساله الحزينه تقطر دمعاً، فلم يتمالك نفسه من شدة خوفه على
محبوبته فرد لها برساله يحكي فيها بأنه يرثي لحالها ويخبرها ايضا بانه
يعاني نفس الشعور ، ويحس بما تحس من المراره والالم، وبأنه على يقين بأن
يلتقي بها في يوم سعيد بهيج ، محاولةً منه كي يطمئنها ،،،،،

حبيبــتي لا تـشكي لـي همك ،،،،، فأني احس باللوعـة
في صــدري
أحـس بـعذابـك وانـين قـلــبك ،،،،، وأرى حزن القمرلحالك المضني
فحالي ليس بأحسن من حالك ،،،،، فنـارالـبعـد فـي صـدري تـكــوي
سوف يأتـي ذاك الـيوم الـمنى ،،،،، ويــتوقــف دمـعـنا الـــذي يجري

لم تصدق المسكينه عندما قرأت الرساله فكأنما انير لها الدرب بعد إذكان
مظلما ، وأخذت تمني نفسها بذاك اليوم المنى الجميل،،،،،،،،،

أتـمنـى متـى الاقـدار تـجـمعنا ،،،،، ويلتـم الشـمل
وتـشرق شــمسنا
وتتبدد الاحزان ويذهب خوفنا ،،،،، ومتى تسمع الاشــجار همـسنـا
ومتى تتعانق مع بـعض قلوبنا ،،،،، ويضيع البؤس وتضيع همومنا
فأنـي انـتـظر ذاك اليوم المنى ،،،،، التـي تـعـود فـيه لنــا ارواحــنا

وبعد فتره ليست بالبعيدة اتتها رسالة تزف لها الاخبار السعيدة،،،،،،،

حبيـبتي ازف لك الخبــر السـعيــد ،،،،، إن يوم
اللقاء لـيس بـعـيـد
لااصدق نفسي ساكون منك قريب ،،،،، وسنعيش معاً عمراً جـديد
سـيـزاح ذاك الـعــذاب الــرهـيــب ،،،،، وسنصوغ سوياً لحناً فريد
فــفـرحـي سـوف يـأتــي الحبـــيب ،،،،، محمـلاً بــحب جــد شـديد

لم تتملكها الفرحة التي طغتها من اعلى رأسها إلى اخمص قدميها بكت حتى بللها
الدمع ، وقد أحست بثلج بارد قد زرع في جوفها الذي كان مثل الموقد في ليلة
شاتية، وارسلت له تقول،،،،،،

حبيبي إنتشيت بالخبر الـسعيد ،،،،، واغتسلت في بحر
من جليد
فإني انتظرك في شوق ولهفه ،،،،، كطـفل يـتـحـرى لـيـلة العيد
اخيراًسينتهي منا ذاك الـعذاب ،،،،، وسيـنتـهـي الـحـزن الـعــنيد
وستجري دماءنا في الوريد ،،،،، وتعود فينا الحياة من جديد

لكن هذه المرة لم تكن المناجاة بحبرعلى يكتب على ورقة بل كان طازجاً من
الشفاة الى الاذن إلى القلب إلى شئ يجعل الدمع يذرف بغزاره بلا هوادة بلا
إراده بلا حساب كان إحساساً رأئعاً له طعم ولذة عجيبة ،،،،،

يقول لها والدمع يسيل من تحت جفنيه،،،

واخيراً رايت عيناك من جديد ،،،،، واخــيـراً
إنــتهــى ألالـــم

تقول وهي ملقاة على صدره تبكي،،،،،

كم كنت احلم بــهذه اللحظة ،،،،، وأخــــيراً
إنـــــتهى الالــــــم

وسلامتكم، اخوكم

محــــــــــــــــــــــــفوظ

حوار بين العاشفين 6832alsh3er

الشكر لله وحده ..
وماأسعى له ان لانطرح موضوع ونرد بكلمات شكر عادية مثل رفع العتب
ماريده ان نستمتع بالموضوع الذي يطرح وكل منا يضيف شيء جديد ليتكام
ويتميز منتدانا ..
ورائعة تلك المحاورة الشعرية الذي اطربتنا بها وردا عليها تلك المحاورة
تأخر على حبيبتة وضلت تنتظرة على احر من الجمر دكت عليه شال التلفون وكال الو وكالت
هي:
تانيتك باشواك عاشك يحب حيل
وعيوني من ماجيت صبن دمع سيل
هو:
ادري بيج انتي اشواق وكلج مشاعر
وادري الوفاء البيج ياحلوة نادر
هي:
ما كلتي يالمحبوب شلسبب ما جيت
وانتة على وعودك دوم لا ما تخليت
هو:
لمن اكلج جاي ما اخلف وعود
والكلب بس وياج ياسلوتي يهود
هي:
تسحرني يالمحبوب نشوة كلامك
ما ادري ليش الروح تضعف امامك
هو:
مو ضعف هذا البيج اجمل عواطف
حاطتني بالاسلاك خلتني خايف
هي:
لا لا تخف يهواي بالكلب بيتك
موقصدي انا ارهاب من حوطيتك
هو:
مو كلبج السجان خلاني مجتوف
واخبارة هذا اليوم ذاعتني مخطوف
هي:
هذا العشك ياهواي رايدلة ساعد
اخطف حبيبي بليل والعب مقاعد
هو:
تلعب مقاعد زيف مو ينحسب بوك
كلمن يريد هواه يقرعلة صندوك
هي:
شلقصة يالمحبوب صارت سياسة
العشك مو احزاب كلمن وفاسة
هو:
لايابة منهو الجاب طاري السياسة
بس الوطن محتاج شوية حراسة
هي:
خلينة بالموضوع لاتبعد ابعيد
ليش الكلام وياك يحبيبي ميفيد
هو:
ما اكدر اسكت ضيم بصدري ياكل
شفت الورد مذبوح تضحك مناجل
هي:
ادري الكلام البيك يحبيبي بية
كلمة محبة نريد تحرسنة هية
هو:
انتي النقاء البيج يا حبيبة صافي
يكفيني انا وياج وبعشك دافي
هي:
بس ياحبيب الروح ماجاوبتني
ليش خلقت ياسيف مو واعدتني
هو:
ما كتلج انا اليوم من جيتج شصار
صار انفجار ارواح والموتة طشار
هي:
سولفلي يالمحبوب شنهو القضية
وشلونك انتة بخير لو بيك اذية
هو:
اتحزميت بزود وانا العراقي
شلت اليصيح بصوت والبعدة باقي
هي:
ادري انتة بالشدات بالغيرة تلهب
والوطن من يحتاج تدوي وتشب شب
هو:
شفت الوطن مذبوح مجروحة عينة
بس كتلة عدعيناك ناوشني ايدة
هي:
الف السلام عليك ياوطن سالم
واسم الله عالمحبوب من رجع غانم
هو:
هذا الجرالي اليوم هو المنعني
حب الوطن والناس منج اخذني
هي:
هاي المعاني البيك خلتني احبك
لو ما الاصالة البيك لاما اودك
هو:
صح اني احبج موت بس الوطن اب
لوما نحب العراق هم نعرف نحب
هي:
هسة الكلب مرتاح صح اختياري
حجيك نزل كالماي طفالي ناري
هو:
انتي الحبيبة الدوم يهواهة كلبي
وجهج ورد وانوار ضوالي دربي
هي:
هاي الرجولة البيك خلتني اصبر
وعلى الوعد مويوم كل عمري انطر
هو:
موعدنة ما انساه لابد اجيلج
بلهفت المحبوب اركض وشيلج

يالرايح اعله الدار هاك اخذ العيون
حنت تشوف هناك اهلي الينطرون

**************************************************

المفروض ترد بحاورة شعرية بين حبيبين
لتكون معنا داخل هل مساجلة
الف شكر لبيت الدارمي
وارد عليك بتلك المحاورة
محاورة شعرية ارجو ان تنال اعجابكم ,,,,
هي :
ما اعوفك انا شلون وانسة سنينك
وانتة الغدرت بساع ومدري انتة وينك
هو :
ولفج شهم للدوم وما ينسة روحة
من شافج الهم زال وطابت جروحة
هي :
طابت جروح الروح بس حزني بعدة
ولو ابتعد ولفك يوم اشتسوة بعدة
هو :
لا والله ما تسواش هلدنيا بعدج
وانتي النبض بلروح واشلون اهدج
هي :
اقسم قسم يهواي بلحج ولحرام
تبقى محبتي دوم عام والف عام
هو :
يقسم قسم اشلون وانتي حياتة
والي يخون اليوم تسقط صفاتة

للجنة ما خليك تدخل دقيقة
جي شككت بجفاك للحب وثيقة

**************************************************

المهم انها تكون مساجلة شعر
وارد بزهيري

تكطع علي الوصل ياصاحبي شمالك

مو آنا يمينك لون ما كفت شمالك

وينهار بية الصبر واني فلا انهار

امطرلك دمع عيني وابجي عليك انهار

تعال نعد عمر الفات ليل وانهار

شما الية من الحزن ومن الهنا شمالك

**************************************************

حوار بين العاشفين 78bc947fa275d05150ff41f9825f69d6

بارك الله فيك علـى المـوضوع الجمـيل والطـرح الممـيز

طاحن بكثر بجاي اهداب العيون *** يالمشترك بالروح افراكك اشلون

السلام عليكم ورحمة الله وبركاته
اسمحوا لي ان انقل لكم مقتطفات من روائع الشعر الشعبي العراقي حوار بين عاشقين

هو / اشلونج يا أعز
الناس عندي ..
هو الكلب كم أحبيبه عنده ..

هي / هزني الشوك
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وكلت دمعاتي احطهن وسط خده

هو / نمتي .. هنيالك غفيتي ..
وآنة ليلي يمر على
عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!

هي / لا حبيبي ..
آنه هذا الليل من يمرني دمعة..
وحزن.. واشواك .. وحنين
آنه عيني عليك ما بطل دمعها ..
تبجي ما تسكت العين ..

هو / لا .. لا تبجين ..
امسحي دمعتج
وارجوج لا تبجين ..
يل دمعج جمر
وخدود? احلى أورود ..
خايف على اخدودج من دموع العين ..
لا تبجين ..
وردة وتحترك ما تحمل النيران ..
يذبل كل وركها وتستحي من الطين ..

هي / وانت تكلي لا تبجين ..؟
مو عمري انتهى .. وايامي كلها أتروح ..
لو راح العمر متكلي اجيبه أمنين ..؟

هو / لا تبجين ..
المن بعد المن تسوه دمعه أتطيح ..
هو اشباقي بينا
ونحترك كل حين ..
تعبنا القهر ممشى جزيرة وخوف ..
صار الماضي غلطه وكنه غلطانين !!
لا تبجين لو يسوه العمر يمكن بجينا اسنين ..

هي / اشلون اتكلي لاتبجين ..

هو / لا تبجين ..!!

هي / تدري انت اليحب
ما يكدر اعله النار ..
ويا نار اللي بيَّه أتفزز الميتين ..
احتاج الدمع من ما اشوفك يوم ..
لأن يصبح عليَّ اليوم خمس سنين ..!!
حبيبي لخاطري ..
لا تبتعد ارجوك
ما احمل فراكك ..
تدري كلش زين ..

هو / بس ارجوج لاتبجين ..
خوفي آنه عليج من الدمع والله ..
مرات الدمع
ياخذ حلاة العين ..
ويل كلج ترافه ارجوج لا تبجين ..

**************************************************

حوار بين العاشفين Images?q=tbn:ANd9GcTUE19xzRxvipsBPqHVETtTnmQnUCp3H60rlw&usqp=CAU

» حوار بين عاشقين
» حوار مع الشيطان ..
» حوار اعجبني
» حوار مع دمعة
» حوار مع الصمت ...!!