مامرتاح ,,,

اغلب الشعراء العراقيين الشعبين استخدمو مفردة مامرتاح
فنقل المارد لنا قصيدة مامرتاح لشاعرنا كاظم اسماعيل كاطع
وقد رديت على المارد بقصيدة مامرتاح لشاعرنا عريان سيد خلف
اما اليوم فانقل لكم مامرتاح لمنذر زكي ..

شَد حيله اوفرح هل الموت
عشگت عينه الكحَيله
مَر عله الطرف ينشد
رايد حلوة الشيله
شَد حيله...
ابسرايه الخيل
وطيوف الظلام عله السرج غنتْ
وچفوف المنايه اسيوفهه اتحنتْ
هد بينه...
ابشواطي اوروج
بنياب الصخر تلهم
طلب جرف المحبه ابطار وايهَدم
هد خيله...
ابورد قداح
فتّح كل ورگهه اوصاح
مامرتاح....
كتلو نحلته بليله
مامرتاح...
شومطرت علينه ارماح
وسيول الحزن تشتاح
مامرتاح....
كابوس المقابرصارله اجناح
ياموت اللچمني اوراح
ذبل صبح الجميله اوطاح
مامرتاح....
خذ مني الحلاة
اوباگني الهيله
مامرتاح

قصيدة روعة
الاخت الجنوبية
مشكوررررررررررررة

اسعدني تواجدك ياسيف بمتصفحي
والشكر لله وحده

الغيرك ما يسل دمعي ولك سال
وعليك الكلب ما تدي ولك سل
يا خايب يوم عن حالي ولك اسأل
تركتني ما دريت شصار بيه

قصيدة رائعة كما تعودنه منك
ان تختاريها لنا
وارد عليها بقصيدة لعباس جيجان
تحياتي
(انت العين )

تبقى انت ما انت بعيد....
انت العين وأكرب من جفنها....
ومن غريب.....
انت الوالد اللي يحظن بديه ابنه وبنته.....
ومن وحيد.....
انت الشعب كله بشيعتة وسنته.....
منهو اللي كالك ناسيك.....
هم ينسة الكمر وكته...
لو نبض الكلب يتنكر لدكته.....
بس عشكك عشك مفضوح.....
وعشك الناس كلها مساتر وسكته.....
صرت انت سبت وبركبه ايهودي...
هم شايف يهودي ايجوز من سبته.....
انت الفارس اللي يسبك هبوب الريح....
وما اظن الخيل سابكتة.....
وانت اللي يرهم اترابك كحل للعين....
ودوة للي ما شفت علتة.....
ومن طينك نحني اجفوف المعرسين....
ومن اصبع فرح من طكتة.....
وانت الريحة اترابك اترد الروح....
هيل...وزعفران....وعنبر بشمتة.....
ومثل تراب كاعك ما لكينة اتراب.....
يرهم للصلاة من طينة تربته....
انت اينام بيك المرتضى الكرار....
ابو الحسنين التلوذ الناس بشارتة وبخته....
وانت اينام بيك بكربلا حسين
اللي ما بايع الطاغية ودنك ركبتة.....
وانت اللي ظلت بيك شارة العباس....
لمن.....
دنكلة الفرات وباسة من شفتة....
من طلعت منك يوم طرني البين....
كلبي وياي ما جبتة.....
اثاريني نسيتة اهناك....
عندك كلبي امنتة.....
شتلتة بجرف دجلة الخير....
وي سباح الشواطي شربكت بتة....
وانت دم عروكة ذيج الكاع......
وبماي الفرات ودجلة عمدتة....
ولمن صار ينكل جدمة بين الناس.....
اخذتة وياي للكاظم وعلى الشباك زورتة.....
صح هسة اصبحت من وطن نيدرلاند.....
هولندي الهوية وشعري جللتة.....
وصح اتاقلمت وي الغرب فد نوب....
وصرت ماصخ مثلهم والملح عفتة.....
وصح كمت ارطن رطنهم من يرطنون.....
ولسان العرب بالاعجمي كسرتة.....
لكن مدري شيصير بية من يمر طاريك.....
احسك دفو تموز بوسط شتة انتة......
وثاريني مثل طبع النخل لو طال.....
يرجع للاصول وتنحني سعفتة.....
العالم نسة يو اهدعش ايلول.......
وصارت بيك سالفتة.....
ناس اتكول لازم نحتويه....
ونشفط البترول....
ونعوض الراح ونسرك بركتة.....
وناس اتكول لازم الحصار ايدوم.......
وناس اتكول لازم ننزع اسلحتة......
وناس اتكول خطية....
اطفالة ماتو من الجوع......
وناس اتكول حيل وياه.....
ما حمد ربة وشاكر نعمتة.....
وانت بين هذا وذاك صاير شبح لليرمون......
وياهو الكام ضدك سدد تفكتة.....
جي انك حلو والدول منة اتغار.....
ما عدهم اللي عندك من مجد نلتة.....
انت اول وطن ادم وضع جدمة علية......
وكال يا الله ولنك وصلة من جلدة......
وانت اول وطن حبه النبي ابراهيم.....
ودعا ربة يصونة برحمتة وعزتة......
وانت اول وطن مرسى لسفينة نوح.....
والنبي ايوب ناخت بيك راحلتة......
وانت اول وطن علم الناس ابجدية ويكتب التاريخ.......
وانت اول وطن قانون سننتة.....
وانت اول وطن كالتلة الشمس ....
يمة صباح الخير....
واذا رادت تمسي... تمسي يم كبتة.....
وانت اول وطن ما تشبه الاوطان .......
مدري ربك شلون خالقك....
سبحان ربي شلون صورتة.....
صورتة العراق وبس علينة ايلوك.....
واحنا انلوكلة لمن يحن وكتة....
واحنا انلوكلة لمن يحن وكتة

**************************************************

مامرتاح ,,, %25D8%25B5%25D9%2588%25D8%25B1%2B%25D8%25A7%25D8%25B3%25D9%2584%25D8%25A7%25D9%2585%25D9%258A%25D8%25A9%2B%25D9%2585%25D8%25AA%25D8%25AD%25D8%25B1%25D9%2583%25D8%25A9%2B-%2B%25D8%25A7%25D9%258A%25D8%25A7%25D8%25AA%2B%25D9%2582%25D8%25B1%25D8%25A2%25D9%2586%25D9%258A%25D8%25A9%2B%25D9%2585%25D8%25AA%25D8%25AD%25D8%25B1%25D9%2583%25D9%2587%2B%25D8%25AC%25D8%25AF%25D9%258A%25D8%25AF%25D8%25A9%2B-%2B%25D8%25B5%25D9%2588%25D8%25B1%2B%25D8%25AF%25D9%258A%25D9%2586%25D9%258A%25D9%2587%2B%25D9%2585%25D8%25AA%25D8%25AD%25D8%25B1%25D9%2583%25D9%2587%2B%25D8%25B1%25D9%2588%25D8%25B9%25D9%2587%2B-%2B%25D9%2585%25D8%25AF%25D9%2588%25D9%2586%25D8%25A9%2B%25D8%25A8%25D8%25B5%25D9%2585%25D8%25A9%2B%25D9%2586%25D8%25AC%25D8%25A7%25D8%25AD

مامرتاح ,,, 5f20c7eedd4418155e46f28f17d400ff

**************************************************

مامرتاح ,,, 3dlat.net_04_16_5db8_5b4ffb7ed2fb2

مشكوره اختي علي الموضوع الشيق والجميل
في انتظار مشاركاتك المييزه

**************************************************

» مامرتاح
» مامرتاح