مساجلات ابوذية الاعضاء

بصراحة لعبة الابوذيات عجبتني
وهي لعبة بين الاعضاء ..الي يدخل
يرد بابو ذية .. راح ابدء واتمنى تكملون
نبدي بسم الواحد الاحد


قسيت وياك يسمـــــر عمي انا
وعين الي الماتشوفك عمي انا
اذا خالك فـــــــــزعلك عمي انا
تبره وضحك والوادم عليه

مساجلة حلوة
الهــــجر يكتل يصاحب وانت داري
عليـــــك يخاف كلبي وانت داري
انـــت اهلي وعمامي وانت داري
انــــت امـــــــي وابـوي واخ اليه

تحياتي

الشعر الشعبي العراقي رائع
وصدقا يستفزني واشكر موضوعك
واكول

حلو إسمك يامياسمنا وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه

سلامي لك مياسم العراق
واقول
حبيبي ارجوك تسمعني بهاداي
تراها الروح معلوله بهاداي
الك هالعين ارسلها بهاداي
بس ارجوك كلبي تعوفه اليه

مساجلة حلوة
شكرا لك مياسم

عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه

مشكورة اختي ميسام بارك الله فيك



يـا كثر شوقي وأنا عنك بعيد
في ديار مابها ذوق بلاك
لا تذكرتك راحت أفكاري تعيد
ذكرت الأيام وأوقاتي معاك
لوقست الأيام والحظ العنيد
ما نسيتك يا بعد هذا وذاك
كيف انسى دام حبك بالوريد
كل نبضه تنده بصوت دعاك

والله كدرتي تحركين الاعضاء يامياسمنا
بالمساجلة الروعة ..تحية ود واحترام

صعد شر هدمة لكن شر فتنة
فتنة برمش عينة شر فتنة
اصيحن هلا بجيتك شرفتنة
طلع ما جاي بس يتراوى الية

شكرا لك للمساجلة
الگلب جندي ابغرامك وانته ملكه

لأن ملكك حبيبي وانته ملكه

يون واعرف وينينه ونته ملكه
الدخل وسطه وگعد غصبً عليه

صرت محبس بيدك وانت راهن
تعال وشوف هجرك وانت راهن
يجي يوم نتواجه ونتراهن
ياهو اكثر يحب

السلام عليكم ورحمة الله


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

لجل عينك جروحي ماتهمني
وصدك من كَال احبك ماتهمني
أحبك منهو كَلك ماتهمني
ومن اشوفك ترد روحي اليــــــــه

شكرا لكي اختي ميسام موضوع رائع جدا
تسلمي وفقكي الرب ورعاكي

اداوى
قلبى بذكرى هواكى
وامنى النفس بقرب اللقاء
فدقات قلبك.. وعطر يداكى
لم يزل حولى وبين السماء

موضوع جيد
مشكورة

حرام انجان يهنه العيد ويطيب

ولاجرح البعد يلتام ويطيب

الي بركان حدر الضلع ويطيب

يطك من تمر ذكراهم عليه

اعجبني تفاعل اخواني الاعضاء بالمساجلة
فكل الشكر والعرفان لكل من شارك ومن لم يشارك واكول

أساس بعشرتي وياك صبيت.
وجنني الهوى وبالشوك صبيت.
الچان أنت علية دموع صبيت.
بچيت عيون من فرگاك ألية*

السلام عليكم
ردي لهذا اليوم

حنانك ما وصل مره حناني
قسه كلبك كسر هجرك حناني
اذا اشموع الفرح يمك حناني
الشموع تذوب وجفونك بيديه

الاخت مياسم
عجبتني هذه الابيات فانقلها

أٌنٌتٌ حٌتٌىٌ عٌيٌوٌنٌكٌ تٌبٌاٌوٌعٌ ٌعٌلٌيٌكٌ
وٌيٌمٌكٌنٌ شٌفٌاٌفٌكٌ تٌرٌيٌدٌ تٌبٌوٌسٌ أٌدٌيٌكٌ
أٌنٌتٌ ضٌيٌمٌ أٌسٌوٌدٌ نٌزٌلٌ مٌنٌ اٌلٌسٌمٌاٌءِ
شٌنٌهٌي ٌفٌلٌمٌكٌ كٌوٌنٌ طٌرٌكَاٌعٌهٌ اٌلٌتٌجٌيٌكٌ
شٌنٌهٌيٌ فٌلٌمٌكٌ غٌيٌرٌ شٌاٌيٌلٌلٌكٌ جٌمٌاٌلٌ
أٌذٌاٌ حٌتٌهٌ مٌرِاٌيٌتٌكٌ دٌاٌخٌتٌ عٌلٌيٌكٌ

يسعد مساء اعضاء عرب وزوارنا الاكرام
رائع تفاعلكم بالمساجلة

ون الگلب وانتة تعرف ونتة.
وصوت المحب بسمك تخف ونتة.
آنه أكتب شعر بس الك وأنتة.
تقراهن وتذبهن علية*

السلام عليكم

تحياتي


حبيبي لا تظن الدهر سرنه ---- هجرنه اديارنا وللغرب سرنه
وحكك ما ظهر للناس سرنه ----لجن دمعي الفضحني وعم علي

ما هاد... شمهود الكلب يالخلان ....ما هاد
بسبب لنه ربينه بفرد....ماهاد
لزمته كال هدني كلت ....ما هد
لمــــــن تحلف يمين تعود اليـــــــــــــــــــــــــــــــه